Génesis 47:23 - Bible in Tzeltal de Oxchuc y Tenejapa

²³ Te José la sc'opon spisil te yajwal Egipto: —Ora yo'tic to te ja'ex soc te aq'uinalique, ayex meix ta swenta te faraón, melel ja' la jmanbeyix ta swenta. Ich'a te awawalique, baan ts'unaic ta bay te sq'uinale.

Bible in Tzeltal Bachajón

²³ Te José hich la yalbe te pueblo: Yo'tic la jmanexix soc aq'uinalic, yu'unex faraón ya xc'ohex. Ich'a te awawalic, bahan awahic ta q'uinal.

Génesis 47:23 Referans Kwoze

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

Isaías 55:10

—Jich bit'il te ja'al soc te toib te ya xcoic tel ta ch'ulchane, ma ba ya sujt'ic xan moel. Ja' ya yajch'esix te lumq'uinale, ya sc'ateswan soc ya xch'ijteswan, soc ya yac' esmajuc awalil ta swenta ts'unbajel soc ya yac' esmajuc te waj ya yich' we'ele.

Eclesiastés 11:6

Ts'una te ats'unub ta sabe, soc ts'una xan ta mal c'aal, melel ma xju' awu'un sna'el bay lec ya xc'ot, teme ja' lec ya xc'ot te neel la ats'une o ja' te patilix la ats'un, o teme lec ya xc'ot xchebalique.

Proverbios 13:23

Ta sq'uinal te me'ba ma p'isbiluc we'elil yu'un; yan teme ma'yuc toj-o'tanile, bayal ya xch'ay.

Proverbios 12:11

Te mach'a ya x'at'ej ta sq'uinal, ma p'isbiluc we'elil ay yu'un; yan te mach'a ma sna' q'uinale, tojol nax te bitic baem ta yo'tan spasele.

Proverbios 11:26

Te mach'a ya sq'uej strigo, ya xbolc'optayot yu'un te ants-winiquetic; yan te mach'a ya xchone, ya x'albot lec sc'oplal stuquel.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Salmos 41:1

Bin nax me yutsil te mach'a ay ta yo'tan te me'baetic te ma'yuc yip te sbaq'uetalique; ya me xcoltayot yu'un Cajwaltic ta yorail woclajel.

Génesis 45:6

Melel xchebalix ja'wil sjajch'el wi'nal ta balumilal, soc jo'eb xan ja'wil sc'an te ma'yuc awal soc ma'yuc c'ajoj.

Génesis 41:27

Ja' nix jich te juqueb yauben wacaxetic te patil loq'uic tel ta ja', juqueb ja'wil c'oem swentail, soc te jucchex trigo te ma'yuc site, ja' seña c'oem te juqueb ja'wil ya xtal wi'nal.

Génesis 47:22

Ja' xanix te sacerdoteetic ma ba la xchon sq'uinalic, melel wentainbilic yu'un faraón. Mac'linbilic yu'un stuquel, jich yu'un ma ba la xchon sq'uinalic.

Génesis 47:24

Te jayeb sit ya yac' te awawal, jun me ya awac'bey faraón ta yo'ebal. Te chaneb ya awich'ic jilele, swenta yu'un ya me ats'unic, soc ya me amac'lin abaic a, soc mach'a jayeb ay awu'unic ta anaic soc awal-anich'nab —xi' sc'oplalic.