Génesis 47:22 - Bible in Tzeltal de Oxchuc y Tenejapa

²² Ja' xanix te sacerdoteetic ma ba la xchon sq'uinalic, melel wentainbilic yu'un faraón. Mac'linbilic yu'un stuquel, jich yu'un ma ba la xchon sq'uinalic.

Bible in Tzeltal Bachajón

²² Ha xanix ma ba la smambe sq'uinalic te sacerdotehetic como a'botic trigo yu'un faraón, hich la swe'ic te bintic a'botic yu'un te faraón. Ha scuentahil ma ba la schon sq'uinal stuquelic.

Génesis 47:22 Referans Kwoze

Esdras 7:24

Soc ya me ana'ic uuc te ma xju' ya yich' c'anel patan, sloc'ol biluc, o yantic pataniletic ta stojolic mach'auc sacerdoteil, levitaetic, jc'ayojetic, jcanan-ti'nailetic, abatetic yu'un templo, soc mach'auc a te ya yac' sba ta abatinel ta templo yu'un te Diose.

1 Timoteo 5:17

Te ancianoetic te lec ya x'at'ejic ta stojol te Diose, ac'a me yich' ich'el ta muc' ta c'axem to xan. Ja' bayal sc'oplalic te mach'atic yat'elinejic xcholel te sc'op Diose soc ta p'ijubteswanej.

2 Tesalonicenses 3:10

Melel te c'alal ayotic ta awolilique, jich la calbeyex mandal: “Te mach'a ma sc'an x'at'eje, ma me xwe'”, xootic.

Gálatas 6:6

Te mach'a ayic ta p'ijubtesel ta swenta te sc'op Diose, ac'a me yac'bey te bila ya xtuun yu'un te jp'ijubteswanej yu'unique.

1 Corintios 9:13

¿Yu'un bal ma ba ana'ojic te mach'atic ya x'at'ejic ta spasel te yat'el Diose, tey ya xwe'ic a ta bay te temploe? Ja' nix jich te mach'atic ya yat'elinic smilel smajt'an te Diose, ya swe'elinic uuc te ti'bale.

San Mateo 10:10

Soc ma me x'awich'ic bael abolsaic, ni ajel-c'u'ic, ni ajel-xanabic, ni anabate'ic. Melel te mach'atic ya x'at'ejique, tey me ya sta swe'elic a.

Nehemías 13:10

Soc la caiy te ma ba ya yich' aq'uel swe'elic te levitaetique. Ja' yu'un te levitaetic soc jc'ayojetic swentainejic spasel te bila swenta yich'el ta muc' te Diose, bajt'iquix ta anel ta sq'uinalic ta juju-jtul.

2 Samuel 8:18

Benaía snich'an Joiada ay ta swenta spasel ta mandal te cereteo-winiquetic soc te peleteo-winiquetic, te ja' jcanantaywanejetic yu'un te muc' ajwalile. Te snich'nab David ochic ta sacerdoteil.

Deuteronomio 12:19

Te jayeb c'aal nainemex tey ta lumq'uinal, ma me ayuc bi ora ya apijt'esic te levitaetique.

Génesis 41:50

C'alal ma to xtal a te xjajch'ibal wi'nale, ayin cheb snich'nab te José, ja' yalatac te Asenat, te yantsil-nich'an Potifera te yich'oj yat'el ta sacerdoteil yu'un te lum On.

Génesis 41:45

Te faraón la yac'bey yan sbiil te José: Zafnat-panea xi' ta egipcio-c'op. Soc la yac'bey yinam, ja' te Asenat sbiil te yantsil-nich'an te Potifera, te yich'oj yat'el ta sacerdoteil yu'un lum On. Jich a och ta swenta José spamal sq'uinal Egipto.

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Génesis 47:21

Ochic ta mozoil te egipcioetic ta spamal te q'uinale.

Génesis 47:23

Te José la sc'opon spisil te yajwal Egipto: —Ora yo'tic to te ja'ex soc te aq'uinalique, ayex meix ta swenta te faraón, melel ja' la jmanbeyix ta swenta. Ich'a te awawalique, baan ts'unaic ta bay te sq'uinale.

Génesis 47:26

Jich jajch' ta pasel te mandalil yu'un José ta spamal Egipto te ya yac'bey faraón te jun ta yo'ebal te bila ya sloq'uesique. Ma ba ch'ayem sc'oplal te mandalil c'alal ora yo'tic. Ja' nax ta sq'uinal sacerdoteetic te ma jichuc c'ot ta pasele, te melel ma yu'unuc faraón te sq'uinalique.