Génesis 47:19 - Bible in Tzeltal de Oxchuc y Tenejapa

¹⁹ ¿Bi ya awutotic? ¿Ya bal snujp'in te ya awac' ya xlajotic ta wi'nal ta jyalel, soc jich bal jochol ya xjil te jq'uinaltique? Jelbotic ta we'elil te jq'uinaltique, ac'a smozoinotic te faraón, soc ac'a yich'botic te jq'uinaltique. Soc ya me awac'botic cawaltic ya jts'untic xan ta jq'uinaltic, swenta yu'un jich me ya xcuxinotic, ma me jc'axeluc ya xlajotic, soc ma me tojoluc pamal te jq'uinaltique —xiic ta stojol.

Bible in Tzeltal Bachajón

¹⁹ ¿Bin yu'un ya nax awilotic ya xchamotcotic soc te jq'uinalcotique? Manawotcotic soc jq'uinalcotic ta scuenta we'elil, hich te ho'otcotic soc te jq'uinalcotic ha a'bat ya xc'ohotcotic yu'un te faraón; a'botcotic cawalcotic scuenta yu'un ya xcuxajotcotic, ma ba ya xchamotcotic a, soc hich ma ba jochol ya xhil a te q'uinale, xchihic.

Génesis 47:19 Referans Kwoze

Job 2:4

Te Satanás jich la yalbey te Cajwaltique: —Te bit'il ma'yuc bila ya xc'ot ta sbaq'uetale, spisil lec ay yilel. Melel te winic ja' nax ya yac' puersa yu'un scoltayel te xcuxlejale.

Lamentaciones 5:9

Wocol xanix cuxulotic ta stael jwe'eltic, scaj te ya yuts'inotic te mach'atic talemic ta jochol taquin q'uinale.

Lamentaciones 5:6

Swenta yu'un yacuc xnoj jch'ujt'ic yu'un te we'elile, ya jach jc'abtic ta stojolic te egipcioetic soc te asiriaetique.

Lamentaciones 1:11

Spisil te yajwal ya x'oq'uic, yacalic ta sleel swe'elic; la yac' ta jelel swe'elic a te bitic bayal sc'oplal ta yo'tanic swenta yu'un ya xju' xcuxinic. “Ilawil, Cajwal, te jinbilonixe, la', ilawil te jwocole”, xi'.

San Mateo 16:26

¿Bila ya xloc' yu'un a te winic teme ya yu'unin spisil te balumilale teme ch'ayel ya xbajt' soc te xch'ulele? ¿Bila ya yac'bey ta sjelol te xch'ulel teme ch'aye?

Génesis 47:15

Ta patil, te c'alal lajix staq'uinic te mach'atic ay ta Egipto soc te mach'atic tal ta Canaán, spisil te egipcioetic la xchap sc'opic, tal sc'oponic te José: —Ac'botic jwe'eltic. ¿Bi ya awutotic te bit'il lajix jtaq'uintic? ¿Ya bal snujp'in te ya awac' xlajotic ta wi'nal? —xiic ta stojol.

Génesis 47:18

Ta xchebal ja'wil tal xcha'c'oponic xan: —Ya me calbat ta jamal ta atojol te bit'il lajix jtaq'uintic ta mero melel, soc la awu'uninbotiquix spisil te jchambalamtique. Ma'yuquix bila ay cu'untic, ja' xanix te jq'uinaltique soc te jo'otique.

Génesis 47:20

Jich te José la smanbey spisil te sq'uinalic ta Egipto, swenta yu'un ya yac'bey te faraón. Jich te egipcioetic juju-jtul la xchon te sq'uinalic ta scaj te bayal ayic ta wi'nale. Jich la yu'unin spamal q'uinal te faraón.

Génesis 41:36

Ac'a yich' q'uejel ta lec ja' to teme tal te wi'nal ta swenta juqueb ja'wil ta sq'uinal Egipto. Jich me ma xlajic ta wi'nal te mach'a jayeb ayic ta Egipto —xi' te José.