Génesis 47:12 - Bible in Tzeltal de Oxchuc y Tenejapa

¹² Te José la yac'bey swe'el bayal c'aal te stat soc te sbanquiltaque, soc spisil mach'a ay yu'unic, chican jaytul te snich'nabique.

Bible in Tzeltal Bachajón

¹² Te José la ya'be swe'el te stat soc sbanquiltac soc spisil mach'atic ay yu'un te stat, ha chican te jayeb snich'nabique.

Génesis 47:12 Referans Kwoze

Génesis 45:11

Jo'on me ya jmac'linex, te melel jo'eb xan ja'wil sc'an ya xc'ax te wi'nale. Jich me ma'yuc awocol ya xc'oat ja'at soc spisil mach'a ay awu'un soc spisil te bila ay awu'un’ ”, ya me xc'o awut te jtatique.

1 Timoteo 5:8

Te mach'a ma xyac'bey te bila ya xtuun yu'un te mach'a ay yu'une, soc c'axem to xan te mach'a ay ta snae, tojol ya yal te ay xch'uunjel yo'tane. C'ax jich smul c'oem a te bit'il te mach'a ma xch'uunejuc te Diose.

1 Timoteo 5:4

Ja'uc me to, teme ay me'ba ants te ay yalatac, o teme ay smamataque, ja' me neel ay ta swentaic te alnich'anetic te bit'il ya sc'an ya yich' wentainel yu'unic ta stojol Dios, swenta yu'un tey sujt'esbil yu'unic ya xc'ot sjelol swocol te me'il-tatile. Melel ja' lec ta pasel, soc ja' bin nax yo'tan Dios yu'un.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

1 Tesalonicenses 2:7

Ja'uc me to, jich la cac' ta ilel yutsil co'tan ta atojolic te bit'il jtul ants te bayal yutsil yo'tan ta xch'ijtesel te yalataque.

Rut 4:15

Ja' me ya smuc'tesbat awo'tan, soc ja' me ya smac'linat te c'alal me'elatixe. Melel ja' yal te awalib te bin nax yo'tan awu'une, te jich c'oem yutsilal ta atojol te bit'il ayuc bayal awalataque —xiic.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Génesis 47:24

Te jayeb sit ya yac' te awawal, jun me ya awac'bey faraón ta yo'ebal. Te chaneb ya awich'ic jilele, swenta yu'un ya me ats'unic, soc ya me amac'lin abaic a, soc mach'a jayeb ay awu'unic ta anaic soc awal-anich'nab —xi' sc'oplalic.

Génesis 47:21

Ochic ta mozoil te egipcioetic ta spamal te q'uinale.

Génesis 47:1

Jich te José ba sc'opon te muc' ajwalil faraón, la yalbey: —Julix te jtat soc te jbanquiltac te loq'uic tel ta sq'uinal Canaán. Yic'ojic tel spisil xchijic soc swacaxic, soc yich'ojic tel spisil te bitic ay yu'unique. Tey julemiquix ta Gosén —xi' ta stojol.

Génesis 50:21

Jich yu'un ma me xiwex. Ya me jmac'linex ta apisilic soc awal-anich'nabic —xi' sc'oplalic. Jich la smuc'tesbey q'uinal yaiyic te bit'il bayal yutsil sc'op la yalbey yaiyique.

Génesis 45:7

Jich yu'un ja' swentail te Dios la sneelteson tel awu'unic, swenta yu'un jich me ya awich'ic coltayel te bit'il ya xcuxinexe.

Génesis 45:10

Ya xju' ya xnainat ta sq'uinal Egipto ta Gosén, nopol ay ta ba ayon, ja'at soc anich'nab soc amamatac, soc achambalamic, soc spisil mach'atic ay awu'unic.

Isaías 22:24

Tey me ya xjojc'aj ta stojol spisil a te bitic bayal sc'oplal te ay ta swenta te sts'umbal tel namey, soc spisil te sts'umbal baele, spisil ta jchajp jich bit'il te ch'in vasoetic, copaetic soc te jarroetique.