Génesis 46:5 - Bible in Tzeltal de Oxchuc y Tenejapa

⁵ Jich a jajch' loq'uel ta Beerseba te Jacob. Te carretaetic te la sticun tel te faraón, tey och bael a te mamal Jacob, soc te alaletic yu'unic soc te yinamique.

Bible in Tzeltal Bachajón

⁵ Hahch bahel ta Beerseba te Jacob. Te snich'nab Israel la yiq'uic bahel te static, ha te Jacob, te yal-snich'nabic soc te yihnamic ta carretahetic te ticombilic tal yu'un faraón.

Génesis 46:5 Referans Kwoze

Génesis 45:21

Jich la spasic te snich'nab te mamal Israel. Ac'botic bael carretaetic yu'un te José jich bit'il albot yu'un te faraón, soc ac'botic bael swe'elic swenta sbeibic.

Génesis 45:19

Soc albeyaic te ya yich'ic bael carretaetic yu'un Egipto, swenta yu'un tey me ya xtal a te yal-snich'nabic soc te yinamique. Ac'a ba yiq'uic tel te atatique, ac'a taluquic li'to.

Génesis 45:27

La xcholbeyic yaiy spisil te bila albotic yu'un te José. Ja' to te la yil te carretaetic ticunbot tel yu'un te José swenta yu'un ja' ya xcajaj bael a, jich la xch'uun te Jacob.

Éxodo 10:26

Jich yu'un te chambalametic cu'untique ya me xbootic soc, ma me bay ya xjil jcojt'uc chambalam. Melel tey ya xc'o jtsatic a te ya cac'beytic smajt'anin te Cajwaltique. Te bit'il ma to bay ya xc'ootic tey a, ma jna'tic te bila ya cac'beytic te ya quich'tic ta muc' a te Cajwaltique —xi' te Moisese.

Éxodo 10:24

Jich yu'un te faraón la sticun ta iq'uel te Moisés, jich la yalbey: —Baan ich'aic ta muc' te Awajwalique. Ic'aic bael te alaletic awu'unique. Ja'uc me to, ijq'uitayaic jilel stuquel te chijetic soc te wacaxetic awu'unique —xi' te faraón.

Hechos 7:15

Jich co bael tey a ta sq'uinal Egipto te Jacobe. Ja' te banti c'o lajuque soc tey lajic uuc te antiguo jme'-jtatique.

Génesis 21:14

Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

1 Samuel 12:8

Te Jacob soc te mach'atic ay yu'une, bajt'ic ta Egipto. Te patil alnich'anetic yu'un jajch'ic ta buen uts'inel yu'un te egipcioetique; jich la yalic wocol ta stojol te Cajwaltic. Ja' yu'un la sticun Moisés soc Aarón. Ja'ic la yac'bey yiq'uic loq'uel tel ta Egipto te antiguo me'il-tatiletic cu'untic, soc la yac' ainicuc ta lumq'uinal in to.