Génesis 46:4 - Bible in Tzeltal de Oxchuc y Tenejapa

⁴ Ya me joinat bael te ya xcoat bael ta Egipto, soc ya me joinat sujt'el ta patil. Ja' me ya smucat te José te c'alal ya xway abaq'uetale —xi' sc'oplal yu'un.

Bible in Tzeltal Bachajón

⁴ Ya joquinat bahel ta Egipto soc ya cac' te ya suhtat talel; soc ha ya smacbat asit te sc'ab José, xchi sc'oblal.

Génesis 46:4 Referans Kwoze

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Génesis 50:1

Te José la smey te anima state, la yoq'uetay, la sbujts'iy.

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 50:5

“Te c'alal nopol ya xlaj a te jtate, la yac'on ta yalel ta stojol Dios te bit'il tey ya xba jmuc a ta muquenal nailch'en te xchajbanej ta sq'uinal Canaán. Jich yu'un ya me awac'on bael, ya xba jmuc jilel te jtate, patil ya sujt'on tel, xi' sc'op te José”, ya me awut —xi'.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.