Génesis 46:3 - Bible in Tzeltal de Oxchuc y Tenejapa

³ Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Bible in Tzeltal Bachajón

³ La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Génesis 46:3 Referans Kwoze

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Hechos 27:24

Jich la yalbon: “Pablo, ma me xiwat. Puersa ya xc'o atejc'an aba ta stojol te muc' ajwalil César ta Roma, soc ja'at ta awenta te Dios ya yac' cuxinuc uuc spisil te mach'a ajoinej ta barco”, la yuton.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Hechos 7:17

“Te c'alal nopol yorail ya xc'ot ta pasel te bila jamal yaloj Dios ta stojol te Abrahame, te lume muc'ub soc esmajic ta sq'uinal Egipto.

Deuteronomio 10:22

Te c'alal c'otic ta Egipto te antiguo ame'-atatique, ja' nax lajuneb xchanwinic (70) ta jtul; pero yo'tic la yaq'uix esmajuc awajtalulic jichuc eq'uetic ta ch'ulchan te Cajwaltic te Dios cu'untique.

Deuteronomio 1:10

Melel mero bayal awal-anich'nabic la yac'beyexix te Cajwaltic te Dios cu'untique, yo'tic mero muc'ul lumexix, jich awipal c'oemex te bit'il eq'uetic ayic ta ch'ulchane.

Génesis 47:27

Jich te israeletic nainic ta Egipto. La sq'uinalinic te q'uinal te Gosén sbiile, tey esmajic bayal a.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Jeremías 40:9

Te Gedalías jc'axel la yalbey: —Ma me xiwex ta awac'bel abaic ta stojol te caldeoetique. Jilanic ta nainel li' ta lumq'uinal to. Ac'a abaic ta stojol te muc' ajwalil yu'un Babilonia, jich me lec ya x'ainex a.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 48:19

Ja'uc me to, ma la sc'an te state, jich la yalbey te José: —Ya jna' stojol, jnich'an, ya jna' stojol. Ya x'esmaj soc sts'umbal uuc, soc muc' ya xc'ot ta loq'uel. Ja'uc me to, ja' c'ax jich ya xc'ot stuquel te yijts'ine, soc bayal ta jchajp nación ya xloc' a te sts'umbale —xi' sc'oplal yu'un.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Éxodo 1:12

Te bit'il c'axem to xan yac ta tulan uts'inel te israeletic, tey c'axem to xan yacal ta esmajel a. Jich yu'un te egipcioetic cajic ta xiwel ta stojol te israeletique.