Génesis 46:1 - Bible in Tzeltal de Oxchuc y Tenejapa

¹ Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Bible in Tzeltal Bachajón

¹ Hich loc' bahel te Israel soc spisil sbiluc, c'oht ta Beerseba, tey c'oht ya'be milbil smahtan a te Dios yu'un Isaac te state.

Génesis 46:1 Referans Kwoze

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 28:10

Te Jacob loc' ta Beerseba, been bael ta sbelal lum Harán.

Génesis 21:33

Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

Génesis 21:31

Jich yu'un Beerseba sbiil c'ot te q'uinal te banti ay te pozo, yu'un tey pastaj te trato yu'unic ta xchebalique.

Génesis 21:14

Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Job 42:8

Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.

Job 1:5

Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.

1 Samuel 3:20

Spisil israeletic ta spamal sq'uinalic, c'alal ta Dan soc c'alal ta Beerseba, la sna'ic te ja' mero j'alwanej yu'un Dios te Samuele.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Génesis 33:20

La spasbey jun scajtijib ta chiq'uel smajt'an Dios tey a, soc la yac'bey sbiil: El-Elohe-Israel, xi' te sbiile.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

Génesis 22:13

Jich te Abraham la stoy sit, la sujt'es sba. La yil ay tat chij te quijc'ajem xulub ta pimil ch'ixtiquil. Ba stsac te tat chije, ja' la smilbey smajt'anin te Diose, ja' sjelol te snich'ane.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Génesis 4:4

Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.

Hechos 7:15

Jich co bael tey a ta sq'uinal Egipto te Jacobe. Ja' te banti c'o lajuque soc tey lajic uuc te antiguo jme'-jtatique.

Génesis 45:28

Jich la yal te mamal Israel: —Lec ay, cuxul te jnich'an José jiche. Ya xboon, ya xba quilbey xan sit junuc buelta te bit'il cuxulon to —xi'.

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Josué 24:4

te snich'an la cac'beye, ja' te Isaac. Te Isaac la cac'bey cheb snich'nab, ja' te Jacob soc Esaú. Te Esaú la cac'bey te witstiquil ta Seir, yan te Jacob bajt' ta Egipto soc te snich'nabe.

1 Samuel 8:2

Te sba snich'an, ja' te Joel, soc te xchebal snich'an, Abías, ochic ta juecil ta lum Beerseba.