Génesis 45:3 - Bible in Tzeltal de Oxchuc y Tenejapa

³ Te José la yal sba ta stojol te sbanquiltaque: —Jo'on te Josejone. ¿Cuxul to bal te jtatique? —xi' ta stojolic. Ja'uc me to, ma loc' c'op ta yeic, yu'un bayal a och xiwel ta yo'tanic te bit'il ayic ta stojol te José.

Bible in Tzeltal Bachajón

³ Te José hich la yalbe te sbanquiltac: Ho'on te José. ¿Cuxul to bal te jtate? xchi ta stojolic. Te sbanquiltac ma ba hu' yu'unic sjaq'uel, yu'un bayel xiwic ta stojol.

Génesis 45:3 Referans Kwoze

Hechos 7:13

Ta xchebal buelta te bajt'ique, te José la yac' sba ta na'el ta stojol te yermanotaque. Jich te muc' ajwalil ta Egiptoe la sna' stojol te mach'a sts'umbal te Joseje.

Hechos 9:5

La yal te Sauloe: —¿Mach'aat a, Cajwal? —xi'. Jich la yal te mach'a yac ta c'ope: —Jo'on Jesuson te ya anutsone. Atuquel ya awuts'in aba te ya alombey ta teq'uel sni' te atojtesjibale —xi'.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

San Marcos 6:50

Spisilic la yilic. Bayal xiwic yu'un. Te Jesús la sc'opon ta ora: —Ac'a stulanil awo'tanic. Jo'on ya awil. Ma me xiwex —la yut.

Job 23:15

Ja' yu'un mero bayal ya jxi' ya caiy; te c'alal ya jna', bayal xiwel ya xtal ta co'tan yu'un.

Job 4:5

¿pero ya bal xtal xiwel ta awo'tan, soc ya bal xch'ay jiche te yip awo'tan te ja'at c'oem wocol ta atojole?

Génesis 37:20

La' me, ya jmiltic, ya jch'ojtic coel ta pozo. Laj ta ti'el ta jti'awal ja'mal chambalam, xootic me ta yalel. Tey me ya xlaj sc'oplal a te swaiche —xiic.

Génesis 42:21

Jich yu'un la yalbey sbaic: —La jta jmultic ta stojol te jtul quijts'intic ta namey te bit'il biq'uit nax sti' ta jtojoltique. Ja'uc me to, ma la jna'beytic yo'bolil sba te bit'il ay swocol la quiltique. Ja' swentail te bit'il ay jwocoltic ta ora to —xiic yu'un.

Génesis 42:22

La yal te Rubén: —La nix calbeyex: “Ma xawuts'inic te quereme”, la cutex, pero ma la ach'uunbonic jc'op. Jich yu'un ja' ya jtojtiquix te bit'il la jmalbeytic xch'ich'ele —xi' ta stojolic.

Génesis 43:27

Te José la sjojc'obey yaiy ta ora teme lec ayic ta spisilique. Soc jich la yal: —¿Ja'xan te atatique, te mamal la awalbonique, lec bal ay? ¿Cuxul to bal? —xi'.