Génesis 45:10 - Bible in Tzeltal de Oxchuc y Tenejapa

¹⁰ Ya xju' ya xnainat ta sq'uinal Egipto ta Gosén, nopol ay ta ba ayon, ja'at soc anich'nab soc amamatac, soc achambalamic, soc spisil mach'atic ay awu'unic.

Bible in Tzeltal Bachajón

¹⁰ Ya xnahinat ta sq'uinal Gosén soc ta nopol banti ayon, ha'at soc anich'nab soc amamatac, te chambahlametic, wacaxetic soc spisil bintic ay awu'unic.

Génesis 45:10 Referans Kwoze

Éxodo 9:26

Ja'uc me to, te lumq'uinal ta Gosén te bay nainemic te israeletic ma'yuc bay co jp'ijuc bat tey a.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Génesis 46:34

ya me awalbeyic: “Te jo'otique ja' cat'elinejtic xch'ijtesel chambalametic ta calaliltic to soc jme'-jtatic”, ya me awutic, swenta yu'un ja' me ya yac'beyex aq'uinalinic te Gosén, melel te egipcioetique ma slac' sbaic soc te jcanan-chijetique —xi' te José.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Hechos 7:14

Jich te José la sticun tel ta iq'uel te state, ja' te Jacobe, soc spisil te mach'a ay yu'une. Ay jo'lajuneb xchanwinic (75) ta jtul ta spisilic.

Génesis 47:1

Jich te José ba sc'opon te muc' ajwalil faraón, la yalbey: —Julix te jtat soc te jbanquiltac te loq'uic tel ta sq'uinal Canaán. Yic'ojic tel spisil xchijic soc swacaxic, soc yich'ojic tel spisil te bitic ay yu'unique. Tey julemiquix ta Gosén —xi' ta stojol.

Génesis 47:6

ilawil spamal sq'uinal te Egipto, chican banti ya ac'an ya awac' nainuquic. Ja' me xale te bay lec te q'uinal ya awac'bey sq'uinalin te atat soc te abanquiltaque. Ja' lec ac'a nainuquic ta Gosén. Soc teme ay sp'ijil yo'tanic ya awile, teme ay ya sna'ic wenta ta lec ya awil, ac'beya scanantaybon jchambalam uuc —xi' sc'oplal yu'un.

Génesis 47:4

Ja' talemotic yu'un te bit'il ya jc'antic xnainotic ta aq'uinal, yu'un bayal wi'nal ta sq'uinal Canaán soc ma'yuc swe'el te jchijtique. Jich yu'un ya caltic bayal wocol ta atojol te yacuc awac'botic permiso te ya xnainotic ta Gosén —xiic ta stojol faraón.

Génesis 47:12

Te José la yac'bey swe'el bayal c'aal te stat soc te sbanquiltaque, soc spisil mach'a ay yu'unic, chican jaytul te snich'nabique.

Ester 10:3

Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.