Génesis 45:1 - Bible in Tzeltal de Oxchuc y Tenejapa

¹ Te José ma ju'ix yu'un te manchuc ya x'oc' ta stojol te abatetic yu'une, jich yu'un tulan c'opoj: —Loc'anic bael ta apisilic —xi'. Stuquel xanix jil soc te sbanquiltac te la yac' ta na'beyel sba yu'unique.

Bible in Tzeltal Bachajón

¹ Te José ma hu'ix yu'un te ya scom sba ta stojol spisil mach'atic ay ta sts'ehl, hich tulan la yal: Ac'a loc'uc bahel ta jtojol spisilic, xchi. Hich mayuc mach'a tey ay a te c'alal José la yac' sba ta na'beyel sba yu'un te sbanquiltac.

Génesis 45:1 Referans Kwoze

San Mateo 18:15

“Soc teme ay bila amen la spasbat te awermanoe, baan, chapa soc. Ac'beya sna' te bila amen spasoje. Teme la yaiybat stojol te ac'ope, jich lec ayatix soc awermano abi.

1 Corintios 13:5

Ma spas te bila ma lecuque, soc ma stuqueluc nax ya sle te bila ya sc'an yo'tane. Ma x'ilin, soc ma xcupetuc slab yo'tan.

Hechos 10:41

Ma spisiluc te jlumal te ac'bot yilique, jo'on nax soc te jo'taque, te namey tsabilotic yu'un Dios te ja' testigo ya xc'ootic yu'une. La join jbatic soc ta we'el-uch'ajel te c'alal cha'cuxix tel ta bay te animaetique.

Jeremías 20:9

Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Isaías 42:14

Te Cajwaltic ya yal: —Bayal c'aal te ma'yuc bila la cal; ch'abal nax q'uinal cu'un soc la jcom jba. Ta ora yo'tic ya x'awunon, jich bit'il ants te ya x'ayin te yale; ya me x'ajc'anajon soc ya me jic' co'tan.

2 Samuel 1:20

Ma me xachicnantesic ta lum Gat, soc ma me xawalic ta calleetic Ascalón, swenta yu'un jich ma sta yutsil q'uinal yaiyic te filistea-antsetic, swenta yu'un ma xwilic yu'un yutsil yo'tanic te mach'atic ma ba xch'uunejic te cuxul Diose.

Hechos 7:13

Ta xchebal buelta te bajt'ique, te José la yac' sba ta na'el ta stojol te yermanotaque. Jich te muc' ajwalil ta Egiptoe la sna' stojol te mach'a sts'umbal te Joseje.

Génesis 44:34

Te melel ¿bit'il c'an sujt'ucon bael ta bay jtat teme ma ba ya join bael te quijts'ine? Yu'un ma jc'an ya quilbey swocol ta mel-o'tan te jtate —xi' te Judá.

2 Samuel 13:9

patil la stsac te sartén, la yac'bey swe' te pane. Pero te Amnón ma ba la sc'an ya swe'. La yal mandal te ya xloc' spisil te mach'atic tey ayic a.

Génesis 42:24

Te José q'uejel ba oc'uc, patil sujt' tel te bay ayique. Ja' la stsa loq'uel te Simeón, q'uelel sitic a och ta chuquel.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.