Génesis 44:8 - Bible in Tzeltal de Oxchuc y Tenejapa

⁸ Melel te taq'uin la jtatic ta jcoxtaltic, la quich'tic tel c'alal talotic yan buelta ta sq'uinal Canaán, la jsujt'esbat. ¿Ja' to bal c'an quelc'antic bael plata soc oro ta sna te awajwale?

Bible in Tzeltal Bachajón

⁸ Te taq'uin la jta ta jcostalcotic la jquich'cotic suhtel tal ta sq'uinal Canaán. ¿Bin ut'il c'an quelc'ancotiquix bahel ta sna awajwal te plata o te oro?

Génesis 44:8 Referans Kwoze

Romanos 13:9

Yu'un te mandalile jich ya yal: “Ma me x'awaiy mulwej, ma me x'awaiy milaw, ma me x'awaiy elec', ma me xawal lotil testigo c'op, soc ma me xbic'taj awo'tan”, te xie. Ja' in mandalil to soc spisil te yantic mandalile, jun nax sc'oplal c'oem ta spisil, jich te bit'il ya yal te: “C'ux me x'awaiy ta awo'tan te apat-axujq'ue, jich bit'il c'ux ya awaiy aba atuquel te ja'ate”, te xie.

San Mateo 19:18

La yal te jch'iel winique: —¿Bila mandaliluc? —xi'. Jich la yalbey te Jesuse: —“Ma me x'awaiy milaw, ma me x'awaiy mulwej, ma me x'awaiy elec', ma me xawac' aba ta lotil testigo,

Deuteronomio 5:19

“Ma me x'awaiy elec'.

Éxodo 20:15

“Ma me x'awaiy elec'.

Génesis 44:7

La yalic: —¿Bi yu'un te jich ya awalbotique? Ma jichuc la jpastic te awabatotique.

Génesis 43:12

Soc ich'aic bael swenta cheb buelta te stojol trigo, yu'un ya me asujt'esbeyic te taq'uin la sujt'esbeyex tele, te la ataic ta yutil acoxtalique. Repente yu'un ch'ay yo'tan te bit'il jich la spase.

Génesis 42:35

Ja'uc me to, te c'alal la sloq'uesic te trigo ta xcoxtalic, tey chuyul la staic a te staq'uinique. C'alal la yilic te chuyajtic sujt'el tel te staq'uinique, xiw yo'tanic ta spisilic.

Génesis 42:27

Ta banti c'otic ta wayel ta be, la sjam xcoxtal te jtule, swenta yu'un ya yac'bey swe'el te sburroe. La yil te ay ta yutil xcoxtal te staq'uine.

Génesis 42:21

Jich yu'un la yalbey sbaic: —La jta jmultic ta stojol te jtul quijts'intic ta namey te bit'il biq'uit nax sti' ta jtojoltique. Ja'uc me to, ma la jna'beytic yo'bolil sba te bit'il ay swocol la quiltique. Ja' swentail te bit'il ay jwocoltic ta ora to —xiic yu'un.

Génesis 43:18

C'alal la yilic te ic'otic ochel ta sna te José, och xiwel ta yo'tanic yu'un, jich la yalbey sbaic: —Ja' swentail te la yic'otic ochel tel ta sna te bit'il ay ta jcoxtaltic te jtaq'uintic la jtatic te xtalucotic ta neelale. Jich yu'un ya sc'an ya xchucotic, ya sc'an ya yuts'inotic, ya sc'an ya spojbotic jburrotic, soc ya smozoinotic —xiic yu'un.