Génesis 44:2 - Bible in Tzeltal de Oxchuc y Tenejapa

² Te vaso cu'un te pasbil ta plata ac'beya ochel ta xcoxtal te xutil yijts'inique, soc te stojol te trigo la smane —xi'. Jich te yabat te José la spas te bila albot yu'un te yajwale.

Bible in Tzeltal Bachajón

² Soc te copa cu'un te pasbil ta plata otsesbeya ta sti'il scostal te xute, soc te stojol te trigo yu'une, xchi. Te mayordomo hich la spas te bin ut'il halbot yu'un te José.

Génesis 44:2 Referans Kwoze

2 Corintios 8:8

Ma yu'unuc ya calbeyex mandal. Ja' nax ya jc'an te ya ana'ic stojol te bit'il toyol yo'tanic te yantique, swenta yu'un tey me ya jna' a teme ay xc'uxul awo'tanic ta mero melele.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Deuteronomio 13:3

ma me x'awich'beyic ta muc' te sc'ope. Melel te Cajwaltic te Dios cu'untique ya sc'an ya spasex ta prueba, yu'un ya sc'an ya yil teme mero c'ux ta awo'tanic ta mero spisil awo'tanic soc ta mero spisil acuxlejalique.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Génesis 43:32

Ja'uc me to, parte parte we'ic. Parte ac'bot swe'el ta yan mesa te José. Ta yan mesa ac'bot swe'elic te sbanquiltaque, soc ta yan mesa ac'bot swe'elic te egipcioetic te ic'bilic tel yu'un te José. Melel te egipcioetic ma sc'an ya sjoinic ta we'el te hebreoetique, yu'un ma lecuc ya yaiyic te ya slac' sbaic soc ta we'ele.

Génesis 42:20

Ja'uc me to, ya me awiq'uic tel quiltic te awijts'inique. Jich me ya jna' teme melel te bila la awalique, soc jich me ma xlajex ta milel —la yut. Jich la xch'uunic te bila la yale.

Génesis 44:1

Ta patil te José la yalbey mandal te mayordomoe: —Nojesbeya ta trigo te xcoxtalic te winiquetic, chican te jich yipal ya xju' yu'unic yich'el baele. Te taq'uin te stojol trigo yu'unique, muquen me ya asujt'esbeyic, ya me awac'bey ochel ta xcoxtalic juju-jtul.

Génesis 44:3

C'alal sacub q'uinal, la sc'oponic jilel te ajwalile, bajt'ic soc te sburroique.

Génesis 44:12

Jich te yabat José, jajch' slebey ta xcoxtalic ta spisilic, neel jajch' ta leel ta bay xcoxtal te banquilale, xmelmon la yich' ilel bael, ja' to c'ot ta loq'uel ta bay xcoxtal te xute. Te vasoe, tey taot a ta bay xcoxtal te Benjamín.

Génesis 42:25

Patil la yal mandal te José te ya snojesbot ta trigo te xcoxtalique, soc te muquen ya sujt'esbot te staq'uinic ta xcoxtalic juju-jtul, soc te ya x'ac'bot swe'elic swenta sbeibic. Jich la yich'ic pasel ta stojolic.