Génesis 44:18 - Bible in Tzeltal de Oxchuc y Tenejapa

¹⁸ Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Bible in Tzeltal Bachajón

¹⁸ Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

Génesis 44:18 Referans Kwoze

Éxodo 32:22

Te Aarón la sjac': —Cajwal cu'un, ma x'ilinat ta jtojol. Te ja'ate ya me ana'bey ta lec yo'tanic te lum, te ya smulanic spasel te bila ma lecuque.

Génesis 41:40

Ja'at me ya awentainbon spisil te jnae, soc ya me awal mandal ta stojol te lum cu'une. Jo'on xanix te cajal ayon ta ich'el ta muq'ue.

Génesis 18:30

Soc la yalbey xan wocol: —Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'. Albot yu'un: —Ma ba ya jpas jich teme ay lajuneb xcha'winic (30) ya jta —xi'.

Génesis 41:44

Te faraón la yalbey xan te José: —Jo'on faraón, la calix mandal te bit'il ma'yuc mach'a ya xju' ya stij sba ta spamal sq'uinal Egipto, ja' to teme ja'at la awal amandal —xi'.

Génesis 18:32

La yalbey xan: —Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'. Albot yu'un: —Ta scaj te lajuntule, ma ba ya cac' lajuc —xi'.

Hechos 2:29

“Quermanotac, ya calbeyex ta jamal te laj te namey q'uinal jtatic Davide, soc la yich' muquel te sbaq'uetale, soc chican to ta coliltic ta ora to te smuquenale.

San Juan 5:22

Te Jtatic Diose, ma ja'uc ya yaiy chajbanwanej. Ja' yac'ojbeyix ta swenta te Nich'anile,

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Salmos 79:5

Cajwal, ¿jayeb xan me ora te ilinemate? ¿Spisil bal ora te yac ta tilel jichuc c'ajc' te awilimbae?

Job 33:31

“Tatic Job, aiybon me awaiy ta lec te jc'ope; ma me xc'opojat te c'alal yacon ta c'ope.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

2 Samuel 14:12

Pero te ants cha'c'opoj xan: —Ac'awon xan ta c'op te jo'on te abaton awu'une, jp'aluc xanix, teme ya awac'bon permisoe —xi'. —C'opojan —xi' te muc' ajwalile.

Génesis 37:7

Yacotic ta stomel ta chuquel trigo ta jq'uinaltic. Te jtom te la jchuque, jajch', toj la stejc'an sba. Te jayeb ta jtom la achuquic te ja'exe, la sjoytay te cu'un soc la stinan sbaic ta stojol —xi'.

Génesis 37:8

La yalic te sbanquiltaque: —¿Yu'un bal sc'oplal ya cajwalinticat ya awal? ¿Yu'un bal sc'oplal ya xmandalajat ta jtojoltic? —la yutic. Bayal to xan la yil-o'tantayic yu'un ta swenta swaich soc ta swenta te sc'ope.

Génesis 44:17

La sjac' te José: —Ma niwan jichuc ya jpas. Ja' nax me ya jmozoin te mach'a yich'oj a taot te vasoe. Te ja'exe, jun awo'tanic sujt'anic bael ta stojol te atatique —la yut.

Génesis 37:6

Jich la yalbey yaiyic: —Aiya awaiyic stojol, ya calbeyex awaiyic bit'il ay te jwaiche: