Génesis 44:16 - Bible in Tzeltal de Oxchuc y Tenejapa

¹⁶ La sjac' te Judá: —¿Bi c'an calbat, cajwal? ¿Ma jo'ucon, xoon bal? Dios me la yac' ta na'el stojol bit'il ay jmultic te awabatotique. Mozoinawotic ta jpisiltic soc te mach'a yich'oj a taot te vasoe —xi'.

Bible in Tzeltal Bachajón

¹⁶ Ha yu'un la yal te Judá: ¿Bin c'an calcotic, cajwal? ¿Bin c'an calcotic yu'un, o bin ya xhu' ya jcoltay jbahcotic a? Dios la yac' ta na'el te smulic te a'batetic awu'une. A'batotcotiquix awu'un, cajwal, soc te mach'a yich'oj a tahot te copa, xchi.

Génesis 44:16 Referans Kwoze

Génesis 44:9

Jich yu'un teme ay mach'a yich'oj ya xtaot te vaso ya awale, ja' me ya sc'an te ya xlaj stuquel. Yan te jo'otique ac'a me smozoinotic te cajwaltic jiche —xiic yu'un.

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

San Lucas 12:2

Melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Hechos 2:37

Te c'alal la yaiyic stojol in to, bayal la smel yo'tanic yu'un, soc la yalbeyic te Pedroe soc te yantic jpuc-c'opetique: —Quermanotac, ¿bi ya sc'an ya jpastic te jo'otique? —xiic.

San Mateo 7:2

Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Isaías 5:3

Jich ya yal: —Yo'tic, ants-winiquetic ta Jerusalén, ants-winiquetic yu'un Judá, alaic ja'ex te mach'a a te ay smule: ¿Ja' bal te ts'usubiltic cu'une? o ¿jo'on bal?

Proverbios 28:17

Te mach'a la yaiyix milaw, puersa ya xyal bael ta muquenal; ma me ayuc mach'a ya xcoltayot yu'un.

Proverbios 17:15

Teme ya yich' aq'uel ta libre te mach'a ay smul, soc teme ya x'ac'ot ta lajel te mach'a ma'yuc smule, ta xchebal yilayej te Cajwaltique.

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Esdras 9:15

“Cajwal Dios yu'un Israel, mero toj awo'tan ta jtojoltic. Ja'at jich la sc'an awo'tan te jtsojp te jayeb xan jilemotic, jich bit'il chican ta ilel ta ora in to. Ta mero melel jo'otic te ay jmultic ta atojole. Ja' yu'un, ma snup'in te ya xtalotic ta atojole —xi' ta sc'oponel Dios te Esdrase.

Esdras 9:10

“Pero yo'tic Dios cu'untic, ¿bi ya xju' ya caltic yu'un te bila jpasojtique? Ma ba ju'em cu'untic spasel te mandaliletic

Jueces 1:7

Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.

Josué 7:18

C'alal tal juju-jtul te yal-snich'an jilele, ja' ac'ot ta ilel Acán snich'an Carmi, te ja' smam te Zabdi, soc ja' xcha'lamal smam te Zara, te ay ta swenta te sts'umbal Judá.

Josué 7:1

Ay jtul te ay ta swenta sts'umbal Judá, Acán sbiil. Ja' snich'an Carmi, smam Zabdi, soc ja' xcha'lamal smam te Zara. Ay biluc la stsac te albil sc'oplal te ya yich'ic jinel ta jc'axele. Ja'uc me to, spisil israeletic la smulinic ta stojol te Cajwaltique, melel Acán la stsac te biluquetic albil mandal yu'un te ya yich' jinel ta jc'axele. Ja' swentail te bayal ilin Cajwaltic ta stojolic.

Deuteronomio 25:1

“Teme ay mach'atic ya stsac sbaique, ya me sc'an te puersa ya xc'axic ta stojol stsojbol te juecetique, swenta yu'un ya me yich'ic chajbanel. Te juecetic ya me yalic ta jamal te mach'a ma'yuc smule. Ya me sticunic ta yich'el castigo stuquel te mach'a ay smul loq'ue.

Génesis 44:32

Te jo'one ac'bilon tel ta jwenta yu'un te jtat te quijts'ine, te melel la calbey jilel: “Teme ma ba sujt' tel cu'un te quijts'ine, jo'on me ya awac'bon jmulin sbajt'el q'uinal”, la cut.

Génesis 37:9

Ta yan buelta waichej xan te José. La xcholbey yaiyic te sbanquiltaque: —Ay yan jwaich, aiya awaiyic stojol, ya calbeyex awaiyic. La quil la stinan sbaic ta jtojol te c'aal, te u, soc te bulucheb eq'uetique —xi'.

Génesis 37:7

Yacotic ta stomel ta chuquel trigo ta jq'uinaltic. Te jtom te la jchuque, jajch', toj la stejc'an sba. Te jayeb ta jtom la achuquic te ja'exe, la sjoytay te cu'un soc la stinan sbaic ta stojol —xi'.

Génesis 44:17

La sjac' te José: —Ma niwan jichuc ya jpas. Ja' nax me ya jmozoin te mach'a yich'oj a taot te vasoe. Te ja'exe, jun awo'tanic sujt'anic bael ta stojol te atatique —la yut.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.