Génesis 44:13 - Bible in Tzeltal de Oxchuc y Tenejapa

¹³ C'alal la yilic te ay ta xcoxtal Benjamín te vasoe, la xch'i' sc'u'ic yu'un mel-o'tan ta ora. La smojt'esbeyic yijc'ats sburroic, sujt'ic bael ta lum.

Bible in Tzeltal Bachajón

¹³ Te winiquetic la sch'i' sc'u'ic yu'un; tuhlultuhl la smohtesbe yihcats te sburrohic, suhtic bahel ta pueblo.

Génesis 44:13 Referans Kwoze

2 Samuel 1:11

Te David soc te jayeb mach'atic sjoinej, la sjats sc'u'ic seña xc'uxul mel-o'tan.

2 Samuel 13:19

Pero la yac' stanul c'ajc' ta sjol, la sjats te snajt'il c'u' slapoje. Xchebal sc'ab smojt'esej ta sjol, yac ta oq'uel bael ta xch'ixil be.

2 Samuel 1:2

Pero ta yoxebal c'aal ay c'ot jtul winic jajch' ta campamento yu'un Saúl. Ch'i'umtic nax sc'u'-spac' soc la smuc sba ta ts'ubil lum, swenta seña mel-o'tan. C'alal jul ta stojol David, la spajc'an sba c'alal ta lum swenta yich'el ta muc' te David.

Números 14:6

Te Josué soc Caleb te ja'ic xc'otuc yilic tel te q'uinale, la xch'i' sc'u'ic ta seña xc'uxul mel-o'tan.

Génesis 44:4

Loq'uelic to bael ta ti'lum a te winiquetique, ma to xc'ubic bael a, te José la yalbey te mayordomoe: —Baan, nutsa te winiquetique. Teme la atae, jich me xc'o awalbey: “Tojol te la jc'uxtayex te ja'exe, amen te bila la apasbonic tele. ¿Bi yu'un la awelc'anbonic tel te vaso pasbil ta plata?

2 Reyes 11:14

La yil teq'uel te muc' ajwalil querem ta sts'eel te toyol balal taq'uine, yu'un jich te scostumbreique. Ta xujc' ayic te capitanetic soc te mach'atic ya stijic música. Te winiquetic mero bayal yutsil yo'tanic yacalic ta yoq'uesinel oq'ues. Jich yu'un te Atalía la sjats sc'u' soc awun: —¡Muquen jinwanej! ¡Muquen jinwanej! —xi'.