Génesis 43:23 - Bible in Tzeltal de Oxchuc y Tenejapa

²³ La sjac' te yabat José: —Ma xiwex, ma xamel awo'tanic. Te Dios awu'unic soc yu'un te atatique, ja' la yac'beyex ochel ta acoxtalic te ataq'uinique, te melel la jtsacbeyex te ataq'uinique —xi' sc'oplalic yu'un. Jich te Simeón ic'ot loq'uel ta chucjibal yu'un, ac'bot sjoinic.

Bible in Tzeltal Bachajón

²³ Hich la sjac': Ma xamel awo'tanic, ma xiwex. Te Dios awu'unic soc te Dios yu'un atatic la ya'beyex ta acostalic te taq'uine; ho'on la jtsacbeyex te ataq'uinique, xchi. La yic' tal ta stojolic te Simeón.

Génesis 43:23 Referans Kwoze

Génesis 42:24

Te José q'uejel ba oc'uc, patil sujt' tel te bay ayique. Ja' la stsa loq'uel te Simeón, q'uelel sitic a och ta chuquel.

San Juan 20:26

Ta swaxaquebal c'aal ta patil stsoboj sbaic yan buelta ta na te jnopojeletique. Tey sjoinejiquix a te Tomase. Macal ta lec yu'unic te ti'nailetique, ja'uc me to, teq'uel julel ta yolilic te Jesuse. Jich la yal: —Muc'ubenuc me q'uinal ya awaiyic —xi'.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

San Juan 20:21

Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

San Juan 20:19

Ja' nix te sba c'aalil semana te stsoboj sbaic ta ajc'ubal te jnopojeletique. Smacoj sbaic ta na scaj te ya xi'ic te judioetique. Te Jesús tal stejc'an sba ta yolilic, soc la yal: —Muc'ubenuc me q'uinal ya awaiyic —xi'.

San Lucas 24:36

Yacalic to ta yaanel a te teq'uel julel ta yolilic te Jesuse. [Jich la yal: —Muc'ubenuc me q'uinal ya awaiyic —xi'.]

San Lucas 10:5

Te bay nailuc te ya x'ochexe, patbeya yo'tan neeluc. Jich me xawalic: “Lamaluc me q'uinal ya awaiy ta anaic” xaex me.

Génesis 42:28

La yalbey te yermanotaque: —La sujt'esbon tel ya quil te jtaq'uine, ilawil li' ay to ta yutil jcoxtal —xi'. Cham nax la yaiyic spisilic, xiw yo'tanic yu'un, la yalbey sbaic: —¿Bit'il c'oem yu'un Dios te jich c'ot ta pasel ta jwentatique? —xiic yu'un.

Esdras 4:17

Te muc' ajwalil Artajerjes jich sutbotic bael yu'un: “Ya jpatbeyex awo'tanic ja'ex te comandante Rehum, soc te secretario Simsai, soc te yantic jilemic ta jq'uinal te ay ta stojol smalib c'aal yu'un muc'ja' Eufrates: “Te bi la awalbonic

1 Crónicas 12:18

Jich yu'un te Amasai, te jtsobwanej yu'un te lajuneb xcha'winic (30) ta jtule, ja' u'uninbil yu'un te espíritu, jich la yal: —¡David, lamaluc q'uinal ta atojol, ja'at te snich'anat Isaí! ¡Lamaluc me q'uinal ta atojol! ¡Lamaluc me q'uinal ta atojol soc ta stojol te mach'atic ya scoltayate, melel scoltayejat te Dios awu'une! —xi' ta yalel. Te David la yic' ta stojol, soc la yac'bey yat'elic soc te yantic jtsobwanejetic yu'un te soldadoetique.

1 Samuel 25:6

jich ya xc'o awalbeyic: “Hermano, mero bin nax co'tan ya jticunbat spatil awo'tan soc awinam soc spisil mach'atic ay awu'un. Buen bayal yutsil co'tan awu'unic teme lec ayex ta apisilique.

Jueces 19:20

Te mamal la sjac': —Bin nax me co'tan te talemate. Jo'on ya jwentain spisil te bitic ya xtuun awu'une. Ma xcac' te tey ya xc'ax ajc'ubal awu'un ta parque —xi'.

Jueces 6:23

Ja'uc me to, te Cajwaltic la sjac': —Ma me xiwat, ma ba ya xlajat. Lamaluc me q'uinal ya awaiy cu'un —xi'.

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 42:36

La yal te statique, ja' te Jacobe: —Bajt'ix ta pojel awu'unic te jnich'nabe. Te José ma chicanuc bay bajt'. Yo'tic, ch'ayix te Simeón, soc awo'tan ya awic'bonic bael te Benjamín. Bayal me ya awac'bonic jwocol —xi'.

Génesis 43:22

Soc la quich'tic tel yan taq'uin swenta yu'un ya jmantic xan bael jwe'eltic a. Ma jna'tic mach'a la yac'botic ochel ta jcoxtaltic te jtaq'uintique —xiic.

1 Crónicas 12:19

Soc c'axic tel ta sts'eel David te ayic ta sts'umbal Manasés, ja' me te c'alal ba sjoin sba soc filisteoetic te David ta swenta scontroinel te Saúl. Ja'uc me to ta patil, te c'alal laj yo'tanic ta stsobel sbaic te ajwalil filisteoetic, la snopic te ya sticunic sujt'el te David. Jich la yalbey sbaic: —Ya me yich' c'oquel loq'uel joltic teme ya xc'ax bael ta stojol Saúl te yajwal —xiic yu'un.