Génesis 43:21 - Bible in Tzeltal de Oxchuc y Tenejapa

²¹ Ja'uc me to c'alal c'ootic ta wayel, c'o jam jcoxtaltic. Juju-jtul ts'acal la jtatic ta jcoxtaltic te jtaq'uintique, jich yu'un la jcha'quich'tic tel.

Bible in Tzeltal Bachajón

²¹ pero te c'alal c'ohotcotic te banti wayinajibal-na la jamcotic te jcostalcotic, tey ay a te jtaq'uincotic ta tuhlultuhl ta jcostalcotic, ts'acal ay. La jcha'ich'cotic tal.

Génesis 43:21 Referans Kwoze

Génesis 43:12

Soc ich'aic bael swenta cheb buelta te stojol trigo, yu'un ya me asujt'esbeyic te taq'uin la sujt'esbeyex tele, te la ataic ta yutil acoxtalique. Repente yu'un ch'ay yo'tan te bit'il jich la spase.

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Hebreos 13:18

C'oponbotic me Dios ta jtojoltic, melel jun co'tantic ya caiytic ta stojol te Diose, yu'un ya jc'antic te tojuc ya xbeenotique.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Romanos 12:17

Ma me xawac'bey stoj teme ay mach'a amen te bi ya spasbeyexe. Ac'a ta ilel te bila lec ta stojol spisil te ants-winiquetique.

Génesis 43:15

Jich te snich'nab te mamal Israel la xchajban sbaic, la yich'ic bael te majt'aniletique, soc te stojol trigo swenta cheb buelta te stojole, soc la yiq'uic bael te Benjamín. Bajt'ic ta Egipto, c'o stejc'an sbaic ta stojol te José.

Génesis 43:20

la yalbeyic: —Cajwal, ta neelal ja' xtalucotic yu'un te tal jman te jwe'eltique.

Génesis 43:22

Soc la quich'tic tel yan taq'uin swenta yu'un ya jmantic xan bael jwe'eltic a. Ma jna'tic mach'a la yac'botic ochel ta jcoxtaltic te jtaq'uintique —xiic.

Génesis 44:8

Melel te taq'uin la jtatic ta jcoxtaltic, la quich'tic tel c'alal talotic yan buelta ta sq'uinal Canaán, la jsujt'esbat. ¿Ja' to bal c'an quelc'antic bael plata soc oro ta sna te awajwale?