Génesis 43:12 - Bible in Tzeltal de Oxchuc y Tenejapa

¹² Soc ich'aic bael swenta cheb buelta te stojol trigo, yu'un ya me asujt'esbeyic te taq'uin la sujt'esbeyex tele, te la ataic ta yutil acoxtalique. Repente yu'un ch'ay yo'tan te bit'il jich la spase.

Bible in Tzeltal Bachajón

¹² Soc ich'ahic bahel taq'uin scuenta cheb buelta, soc te taq'uin la suhtbeyex tal ta acostalic; yu'un wan howiy.

Génesis 43:12 Referans Kwoze

Génesis 42:25

Patil la yal mandal te José te ya snojesbot ta trigo te xcoxtalique, soc te muquen ya sujt'esbot te staq'uinic ta xcoxtalic juju-jtul, soc te ya x'ac'bot swe'elic swenta sbeibic. Jich la yich'ic pasel ta stojolic.

Génesis 42:35

Ja'uc me to, te c'alal la sloq'uesic te trigo ta xcoxtalic, tey chuyul la staic a te staq'uinique. C'alal la yilic te chuyajtic sujt'el tel te staq'uinique, xiw yo'tanic ta spisilic.

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

2 Corintios 8:21

Jich me ya jtsajtaytic te ma me ayuc falta ya jtatic ta stojol te Diose soc ta stojol te ants-winiquetique.

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Romanos 12:17

Ma me xawac'bey stoj teme ay mach'a amen te bi ya spasbeyexe. Ac'a ta ilel te bila lec ta stojol spisil te ants-winiquetique.

Génesis 43:13

Soc ic'aic bael te awijts'inique, joinaic bael, baan c'oponaic xan te ajwalile.

Génesis 43:21

Ja'uc me to c'alal c'ootic ta wayel, c'o jam jcoxtaltic. Juju-jtul ts'acal la jtatic ta jcoxtaltic te jtaq'uintique, jich yu'un la jcha'quich'tic tel.

Génesis 43:22

Soc la quich'tic tel yan taq'uin swenta yu'un ya jmantic xan bael jwe'eltic a. Ma jna'tic mach'a la yac'botic ochel ta jcoxtaltic te jtaq'uintique —xiic.