Génesis 43:11 - Bible in Tzeltal de Oxchuc y Tenejapa

¹¹ La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Bible in Tzeltal Bachajón

¹¹ Ha yu'un hich la sjac' te Israel te static: Teme hich ya sc'an pasele, pasahic hiche. Ich'ahic bahel ta acostalic te bin lec ya xloc' ta q'uinal, a'beyahic smahtanin te winic jtebuc bálsamo-te', jtebuc chab, te bintic sumet yic', mirra, nuez soc almendra.

Génesis 43:11 Referans Kwoze

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Ezequiel 27:17

Ja' nix jich la awaiy manbajel chonbajel soc Judá soc nix Israel. Te bila la awac'beye, la stojbat ta trigo yu'un Minit, soc pastel, chab, aceite yu'un sit olivo soc bálsamo.

Proverbios 18:16

Teme ay majt'anil ta ac'ab, jich ya xjambotat spisil te ti'nailetic, asta ya xju' ya xc'oat ta stojol te mach'atic muc' sc'oplalique.

1 Samuel 9:7

La yal te Saúl: —Conic jiche. Pero ¿bi ya quich'beytic bael te winic ya awale? Ma'yuquix ni junuc pan cu'untic ta yawil. Ma'yuquix bi ay cu'untic jtebuc te ya cac'beytic te j'alwanej ya awale —xi'.

Hechos 21:14

Te bit'il ma ju' cu'untic scomele, jich ma ba c'opojotic xan. —Jichuc. Ac'a pasuc sc'anjel yo'tan te Cajwaltique —xootic yu'un.

Ezequiel 27:15

Winiquetic ta Rodas la yaiyic manbajel chonbajel ta atojol. La awaiy chonbajel soc tsobol lumetic ta ti'ti'mar, la stojbat ta marfil soc ta ébano-te'.

Cantares 8:14

Animajan te ja'at te bayal ya jmulanate, animajan jichuc ja'mal chij, animajan jichuc yal tsajal chij, ta sba witstiquil te bayal sbujts'e.

Cantares 4:14

te banti ay nardo soc azafrán, jalal bujts'an yic' soc canela, soc spisil te'etic yu'un pom, mirra soc áloe; spisil bitic mero t'ujbil sbujts' yic'.

Cantares 4:10

C'ax bujts'an ta aiyel te bujts'iyel awu'un, ja'at te jch'ielat toe, te quinamate. Te bujts'iyel awu'une c'axem jich sbujts' a te bit'il vino; te perfume awu'une, c'axem jich sbujts' a te bit'il yantic bitic bujts'an yiq'ue.

Proverbios 21:14

Te mach'a muquen ya yac' te majt'anile, jich ya xlamaj te tulan ilimbae.

Proverbios 19:6

Te mach'a ya xmajt'anteswan soc te ma'yuc st'ut'ile; bayal mach'atic ya xtalic ta leel yu'un, soc ya xjunaj yo'tan soc.

Proverbios 17:18

Te mach'a ma'yuc sp'ijile, ya stejc'an sba yu'un te spat-xujq'ue, jun yo'tan ya swentainbey te sbete.

Salmos 76:11

Ta juju-jtul chapa ac'opic soc Cajwaltic te Dios awu'unic, pero ya me sc'an te ya xc'ot ta pasel awu'unic ta stojole. Ja'ex te ajoytayejic te mach'a mero ay ta xi'ele, ich'beyaic tel smajt'an.

Salmos 72:10

Ac'a yich'ic tel majt'aniletic te muc' ajwaliletic yu'un Tarsis, soc yu'un te q'uinaletic joytaybilic ta ja', soc nix te muc' ajwaliletic yu'un Sabá soc Seba, soc ac'a stoj spatanic ta stojol te muc' ajwalile.

Salmos 68:29

C'alal to ta toyol templo awu'un ta Jerusalén, ta banti ya yich'bat tel amajt'an te muc' ajwaliletic,

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

2 Reyes 20:12

Ja' ta yorail a, te muc' ajwalil Merodac-baladán snich'an Baladán, muc' ajwalil ta Babilonia, la yaiy yac ta alel te la yaiy chamel te Ezequías. Ja' yu'un la sticun abatetic, bajt' ta aq'uel cartaetic soc smajt'an te Ezequías.

2 Reyes 16:8

Te Acaz la stsac te plata soc oro te ay ta templo yu'un Cajwaltic, soc nix te ay ta snae. La sticunbey smajt'anin te muc' ajwalil yu'un Asiria.

2 Reyes 8:8

Te muc' ajwalil jich la yalbey te Hazael: —Ich'a bael jun majt'anil, baan c'opona te j'alwaneje. Albeya te yacuc sjojc'obey te Yajwal teme ya to xc'ax cu'un te chamel quich'oje —xi'.

1 Reyes 15:19

“Ja' lec ya jchap jc'optic, jich te bit'il la spasic te jtatique. La jticunbat amajt'an oro soc plata swenta yu'un ya me alajinbey sc'oplal te bi achapoj soc Baasa, te muc' ajwalil yu'un Israel. Jich ma ba ya yuts'inonix a, ya me xlamaj q'uinal caiy”, la yut bael.

1 Reyes 10:25

Ta jujun ja'wil ya yich'beyic bael smajt'anin biluquetic te pasbilic ta plata soc ta oro, c'u'iletic, at'ejibaletic yu'un guerra, bitic bujts'an yic', caballoetic soc mulaetic.

1 Reyes 10:15

Ma ba ajtaybil te jayeb pataniletic te tojbot yu'un te jchonbajeletic soc te jmanbajeletic, soc ta spisilic te muc' ajwaliletic yu'un Arabia, soc te jwentainwanejetic ta slumale.

1 Reyes 4:21

Te Salomón ju' yu'un swentainel spisil yantic muc' ajwaliletic c'alal ta muc'ja' Eufrates, c'alal ta sq'uinal filisteoetic soc c'alal ta sti'il sq'uinal Egipto. Ta spisilic la stojbey spatanic soc la xch'uunbeyic smandal te Salomón te jayeb c'aal cuxine.

1 Samuel 25:27

Yo'tic wocoluc, ac'a yich' puquel spisilic te abatetic awu'un ajoinej te majt'aniletic la quich'bat tele.

Deuteronomio 33:14

Buen t'ujbil me ya stsobbey sit yawal-sts'unub ta jujun ja'wil soc buen me sit swenta jujun u,

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 33:10

Ja'uc me to, la yal te Jacob: —Wocoluc, ich'bon amajt'anin, teme c'uxon ta awo'tane. Yu'un la quilbey sit Dios la caiy a te bit'il la quilbat asite, soc bin nax co'tan yu'un te bit'il lec awo'tan cu'une.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Génesis 43:10

Melel te manchuc lajuc acomotique, xchebal meix buelta cu'untic a te jichuque —xi'.

Génesis 43:15

Jich te snich'nab te mamal Israel la xchajban sbaic, la yich'ic bael te majt'aniletique, soc te stojol trigo swenta cheb buelta te stojole, soc la yiq'uic bael te Benjamín. Bajt'ic ta Egipto, c'o stejc'an sbaic ta stojol te José.

Génesis 43:25

Jich te winiquetique la xchajbanic te majt'anile, swenta yu'un te c'alal ya xtal ta olil c'aal te José, ya me yac'beyic smajt'an, melel la yaiyiquix te ya x'ic'otic ta we'el yu'une.

Génesis 43:26

Ta patil och tel ta sna te José. Jich yu'un la yac'beyic te majt'anil te xchajbanejique, la stinan sbaic coel ta stojol c'alal ta lum.

Ezequiel 27:22

Te mach'atic la yaiy manbajel chonbajel ta Sabá soc Raama, ja'ic ajoy ta manbajel chonbajel, ya xchonbat te mero lequil perfume, mero t'ujbil tonetic soc oro.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.