Génesis 42:9 - Bible in Tzeltal de Oxchuc y Tenejapa

⁹ La sna' te José te bi la swaichinej ta namey, jich la yalbey: —Jtsajtaywanejex, ja' tal atsajtay awilic te bit'il ya xju' awu'unic te ya awochintayic te lume —xi'.

Bible in Tzeltal Bachajón

⁹ Hich la sna' te José te swayich la ya'iy sc'oblal te sbanquiltac, hich la yalbe: Jtsahtaywanejex; talemex ta yilel te banti ma ba canantaybil ta lec te q'uinale, la yut.

Génesis 42:9 Referans Kwoze

Éxodo 32:35

Te Cajwaltic la sticun tel tulan chamel ta stojol te lume, ta scaj te la xch'uunic te sloc'omba alal toro te la spasbey Aarón.

Hebreos 11:31

Ta swenta xch'uunjel yo'tan te jmulawil ants Rahab, jich ma la sjoin ta lajel te mach'atic jc'axintayej-mandale, te melel ay yutsil yo'tan la yic' ochel ta sna te israeletic te tal stsajtay yilic te bi yilel te lume.

San Lucas 20:20

Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

1 Samuel 26:4

Ja' yu'un la sticun j'il-q'uinaletic ta yilel banti julem.

Jueces 1:24

Te j'ilwanejetic la yilic jtul winic yac ta loq'uel tel ta ti'lum, jich la yalbeyic: —Teme ya awac'botic quiltic banti ya x'ochotic, ja' yu'un te jo'otic bayal ya jc'uxtayticat —la yutic.

Josué 6:23

Jich ochic bael ta sna, la sloq'uesic tel te Rahab, soc sme'-stat, sbanquiltac, yijts'inab soc spisil te yermanotaque. Parte la yaq'uic ta nopol scampamentoic te israeletique.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.

Números 13:2

—Ticuna bael winiquetic ta stsajtayel te sq'uinal Canaán, te ya cac'bey te israeletique. Juju-jtul x'aticun bael ta juju-jchajp, ja'uc me te mach'a tulan yat'el ta juju-jchajp te sts'umbalique —xi' te Cajwaltique.

Génesis 42:34

Ya me awiq'uic tel quiltic te awijts'inic ya awalique, jich me ya jna' stojol teme melel te ma jtsajtaywanejuquexe. Jich me ya cac' ta libre te abanquilique, soc jich me jun awo'tanic ya x'ochex ta manbajel li' ta q'uinal to”, la yutotic —xiic.

Génesis 42:16

Ticuna abaic bael jtuluc, ac'a ba yic' tel te awijts'inique, te ja'ex ya xjilex ta chuquel li'to. Jich me ya quil teme melel te bila ya awalique. Teme ma meleluque, yu'un nix me jtsajtaywanejex abi. Jamal me ya cal ta swenta faraón —la yut.

2 Samuel 10:3

te jtsobwanej-amonetic jich la yalbeyic te Hanún te ajwalil yu'unique: —¿Ya bal ach'uun te ja' nax la sticun tel ta atojol yu'un te ay sc'oplal ta yo'tan te atate? Te ya caltique, la sticun tel swenta yu'un tal yilic bael bit'il ay, soc tal stsajtayic bitic ay ta jlumaltic. Patil ya me xtal slajin —xiic.

Génesis 37:11

Te José lab-o'tantayot yu'un sbanquiltac ta scaj te swaiche. Yan te state bayal bi la snop yu'un.