Génesis 42:36 - Bible in Tzeltal de Oxchuc y Tenejapa

³⁶ La yal te statique, ja' te Jacobe: —Bajt'ix ta pojel awu'unic te jnich'nabe. Te José ma chicanuc bay bajt'. Yo'tic, ch'ayix te Simeón, soc awo'tan ya awic'bonic bael te Benjamín. Bayal me ya awac'bonic jwocol —xi'.

Bible in Tzeltal Bachajón

³⁶ Ha yu'un hich halbotic yu'un Jacob te static: Bahtix ta pojel awu'unic te jnich'nabe. Ma chicanuc te José, soc ha nix hich te Simeón, soc yac ac'an yac awic'boniquix bahel te Benjamín. Ta spisil ini, uts'inel ya ca'iy, xchi.

Génesis 42:36 Referans Kwoze

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

1 Corintios 10:13

Te yiljibal awo'tanic te ya xtal ta atojolique, pajal ay ta atojolic soc te yantic ta bayuc. Ja'uc me to, jun yo'tan ta jtojoltic te Diose. Jich ma xyac' jelawuc xan yip ta atojolic te yiljibal awo'tanique, ma xyac' jelawuc a te bit'il ya xcujch' awu'unique. Yu'un te c'alal ya xtal te yiljibal awo'tanique, ya me slebeyex uuc te bit'il ya xju' ya xcolex loq'uele, swenta yu'un jich me ya xcujch' awu'unic.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

San Mateo 14:31

Te Jesús la stsacbey sc'ab ta ora. Jich la yalbey: —Winic, ma'yuc xch'uunjel awo'tan ya quil. ¿Bi yu'un ayan awo'tan? —la yut.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 38:10

“La jnop ta co'tan: Manchuc me lecuc to te jcuxlejale, puersa me ya xboon; pasbilonix mandal te ya xboon ta muquenal te jayeb xan c'aal te cuxulone.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Eclesiastés 7:8

Ja' lec ta aiyel te c'alal ju'ix ta chapel a te c'ope; ma ja'uc lec ta aiyel te c'alal ya yich' jachele. Ja' lec teme jun awo'tan ya xc'ax awocole; ma ja'uc lec teme toyba ayate.

Job 7:7

“Dios cu'un, na'a me te jich nax ya xjalaj te jcuxlejal te bit'il ay ta jiq'uel-o'tanile, tey ma'yuquix bi ora ya quil utsilal a.

1 Samuel 27:1

Pero te David la yal ta yo'tan: “Puersa ya sta yorail te ya smilon te Saule. Ja' yu'un te bila lec ya jpase, ya xboon ta anel ta sq'uinal filisteoetic, swenta yu'un jich me jun co'tan ya x'ainonix a, soc jich ma ba ya x'och sleonix ta sq'uinal Israel te Saule. Jich me ya xcolon loq'uel ta sc'ab a”, xi' te David.

Salmos 34:19

Te mach'a toj yo'tan, ay swocol yu'un te bitic amene; ja'uc me to, te Cajwaltic ya scoltay loq'uel ta spisil.

Génesis 47:12

Te José la yac'bey swe'el bayal c'aal te stat soc te sbanquiltaque, soc spisil mach'a ay yu'unic, chican jaytul te snich'nabique.

Génesis 45:28

Jich la yal te mamal Israel: —Lec ay, cuxul te jnich'an José jiche. Ya xboon, ya xba quilbey xan sit junuc buelta te bit'il cuxulon to —xi'.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

Génesis 42:37

Te Rubén la sc'opon te state: —Jo'on xawac'bon jwentain bael jiche, puersa me ya quic'bat sujt'el tel. Teme ma ba sujt' tel cu'un te Benjamín, ja' me ya amilbon te cheb jnich'nabe —xi'.

Jeremías 31:15

Te Cajwaltic ya yal: —Ay chicnaj c'op ta Ramá, yu'un ay mach'a c'axem to xan yacal ta oq'uel. Ja' te Raquel ya yoq'uetay te yalataque. Ma sc'anix te ya xmuc'tesbot q'uinal yaiye, melel lajemiquix te yalataque —xi'.

Génesis 44:12

Jich te yabat José, jajch' slebey ta xcoxtalic ta spisilic, neel jajch' ta leel ta bay xcoxtal te banquilale, xmelmon la yich' ilel bael, ja' to c'ot ta loq'uel ta bay xcoxtal te xute. Te vasoe, tey taot a ta bay xcoxtal te Benjamín.