Génesis 42:25 - Bible in Tzeltal de Oxchuc y Tenejapa

²⁵ Patil la yal mandal te José te ya snojesbot ta trigo te xcoxtalique, soc te muquen ya sujt'esbot te staq'uinic ta xcoxtalic juju-jtul, soc te ya x'ac'bot swe'elic swenta sbeibic. Jich la yich'ic pasel ta stojolic.

Bible in Tzeltal Bachajón

²⁵ Patil la yal mandar te José te ya xnojesbot ta trigo te scostalic soc ya suhtbotic te staq'uinic ta tuhlultuhl, soc ya x'a'bot swe'elic te ya swe'ic ta be. Hich la yich'ic pasbeyel.

Génesis 42:25 Referans Kwoze

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Isaías 55:1

Te Cajwaltic ya yal: —Ja'ex te taquin awo'tanique, la'ic, la' uch'aic ja'; ja'ex te ma'yuc ataq'uinique, la'ic, leaic trigo ta majt'anil, soc we'anic; leaic vino soc leche, ni ma'yuc ta tojel.

Génesis 45:21

Jich la spasic te snich'nab te mamal Israel. Ac'botic bael carretaetic yu'un te José jich bit'il albot yu'un te faraón, soc ac'botic bael swe'elic swenta sbeibic.

Génesis 42:26

La smojt'esic ta burro te trigo, bajt' ta snaic.

Génesis 43:12

Soc ich'aic bael swenta cheb buelta te stojol trigo, yu'un ya me asujt'esbeyic te taq'uin la sujt'esbeyex tele, te la ataic ta yutil acoxtalique. Repente yu'un ch'ay yo'tan te bit'il jich la spase.