Génesis 42:22 - Bible in Tzeltal de Oxchuc y Tenejapa

²² La yal te Rubén: —La nix calbeyex: “Ma xawuts'inic te quereme”, la cutex, pero ma la ach'uunbonic jc'op. Jich yu'un ja' ya jtojtiquix te bit'il la jmalbeytic xch'ich'ele —xi' ta stojolic.

Bible in Tzeltal Bachajón

²² Ha yu'un hich la yal te Rubén: ¿Ma bal lajuc calbeyex te ma me xata amulic ta stojol te quereme, pero ma ba la awich'bonic ta cuenta? Ha yu'un yaquix jtojbeltic te sch'ich'ele, xchi.

Génesis 42:22 Referans Kwoze

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

2 Crónicas 24:22

Te muc' ajwalil Joás ch'ay ta yo'tan te bit'il la yich' c'uxtayel yu'un te Joiada, ja' te stat Zacarías, la smilbey te snich'an, ja' te Zacarías. Te c'alal nopol xlajix a, jich la yal xan ta aw: “¡Ac'a yil Cajwaltic soc ac'a yac'bey stojic!” xi' xan jilel.

1 Reyes 2:32

Te Cajwaltic ja' ni me ya yac'bey c'otuc ta swenta te Joab te bit'il ja' nix ta scaj smul te laje. Melel te Joab ma smandaluc jtat te la smil ta puñal te cheb buen lequil winiquetic te c'axem lec yat'elic te bit'il yat'el stuquel. Ja'ic te Abner snich'an Ner, general yu'un soldado-israeletic, soc te Amasa te snich'an Jeter, general yu'un soldadoetic ta Judá.

Apocalipsis 16:9

Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Romanos 2:15

Melel tey chican ta ilel a ta swenta te bila ya spasic te bit'il ts'ibubil ta yo'tanic te mandalile. Jich ya sna'ic stsajtayel yo'tanic, te melel ta yo'tanic nax sna'ojic stojol teme ma lecuc te bila ya spasique o teme lec te bila ya spasique.

Hechos 28:4

La yilic te mach'atic ainemic tey a te bit'il jipil ta sc'ab jti'awal chan te Pabloe. Jich caj yalbey sbaic yu'un: —Ja' in winic to, mero jmilawal niwan. Manchuc teme colix ta lajel ta mar, ja'uc me to, ma x'ac'ot cuxinuc xan yu'un te chajbanel yu'un te dios cu'untique —xiic.

San Lucas 23:41

Te jo'otique stojil te ayotic ta castigo yu'un te amen cat'eltique. Yan in winic to, ma'yuc bila amen spasoj stuquel —xi'.

Ezequiel 3:18

Teme repente ay ya calbey sc'oplal yu'un ya xlaj jtul mach'a amen yo'tan, pero teme ma ba ya ac'opone soc teme ma ba ya awalbey yaiy te ya yijq'uitay te amen yat'ele swenta jich ya xju' ya xcuxin xane, ya me xlaj yu'un te smule, pero ja'at me ya quich'at ta c'op yu'un.

Génesis 4:10

Te Diose jich la yalbey: —¿Bi yu'un jich la apas? Ja' la yalat te xch'ich'el awijts'in te la amalbey ta lumq'uinale.

Génesis 42:23

Ma la sna'ic stojol teme ya x'aiybot stojol sc'opic yu'un te José, melel ay jc'asesej-c'op te ya xc'asesbot sc'opic yu'une.

Génesis 45:3

Te José la yal sba ta stojol te sbanquiltaque: —Jo'on te Josejone. ¿Cuxul to bal te jtatique? —xi' ta stojolic. Ja'uc me to, ma loc' c'op ta yeic, yu'un bayal a och xiwel ta yo'tanic te bit'il ayic ta stojol te José.

Génesis 50:15

C'alal lajemix a te mamal Jacob, te sbanquiltac José jich la yalbey sbaic: —Te bit'il lajemix te jtatique, ja' wocol teme ya xjajch' slab yo'tan ta jtojoltic te José, soc teme ya sujt'esbotic spacol te bit'il la cuts'intique —xiic.

1 Samuel 19:4

Te Jonatán c'opoj ta stojol Saúl ta swenta xc'uxtayel te David, jich la yal: —Te bit'il muc' ajwalilate, ¿bi yu'un ya ale amul ta yuts'inel te awabat David? Melel ma'yuc bi amen spasojbat; ja' nax bayal bitic lec spasojbat.

1 Reyes 2:33

Te xch'ich'elic ac'a c'otuc ta swenta Joab soc ta swenta sts'umbal sbajt'el q'uinal. Yan ta stojol David soc te patil alnich'anetic yu'un te xmelmon ya x'ochic bael ta muc' ajwalile, soc te muc'ul nactijibal yu'une, sbajt'el q'uinal lamal q'uinal ta stojol yu'un Cajwaltic stuquel —xi'.