Génesis 42:18 - Bible in Tzeltal de Oxchuc y Tenejapa

¹⁸ Yoxebalix c'aal a, te José la yalbey yaiyic: —Pasaic me te bila ya calbeyexe, jich me ya xcuxinex, melel te jo'one jxi'oj te Diose.

Bible in Tzeltal Bachajón

¹⁸ Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

Génesis 42:18 Referans Kwoze

Levítico 25:43

Ma me tulanuc ya awac' aba ta stojolic, ya me sc'an te ja' ya awac' ta ilel te awich'ojon ta muc' jo'on te Dioson awu'une.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

San Lucas 18:2

Jich albotic yu'un: —Ay jtul juez ta bay jpam lum te xujt' ma xi' te Diose, soc jtul ma'yuc mach'a ya yich' ta muc'.

Génesis 20:11

La sjac' te Abraham: —La cal ta co'tan te ma'yuquex ta xi'el te Diose. “Ya me smilonic ta scaj quinam”, xoon ta snopel.

San Lucas 18:4

Te juez bayal c'aal te ma la sc'an yo'tan te ya xchajbane. Patil la snop: “Manchuc teme ma ba ya jxi' te Diose soc te ma'yuc mach'a ya quich' ta muq'ue,

Nehemías 5:9

Ja' yu'un jich la cal xan: —Te bila yacalex ta spasele, ma ba lec. Ya sc'an ya awaq'uic ta ilel te awich'ojic ta muc' te Dios cu'untique. Jich ma ba ya slabanotic a te mach'atic ma ja'uc xch'uunejic te cuxul Diose, te ja'ic te scontroinejotic stuquelique.

Génesis 39:9

Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Génesis 42:19

Teme melel te bila ya awalique, jtul me ya xjilex ta chuquel li'to. Te yantique, ya me xbajt'ic stuquelic. Ich'aic bael te trigo te bit'il ay wi'nal ta anaic.

Éxodo 18:21

Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Éxodo 1:17

Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Levítico 25:17

“Ma me ayuc mach'a ya slo'lay yan. Ac'aic me ta ilel te awich'ojonic ta muq'ue, melel jo'on Ajwalilon te Dioson awu'unique.