Génesis 42:15 - Bible in Tzeltal de Oxchuc y Tenejapa

¹⁵ Ya jpastic prueba quiltic: Ma xju' ya xbaex ta ora to, ja' to teme tal te awijts'in ya awalique.

Bible in Tzeltal Bachajón

¹⁵ Ya me awich'ic tsajel: Xyil faraón, ma xhu' ya xloq'uex bahel li'i ha to teme tal te awihts'inique.

Génesis 42:15 Referans Kwoze

1 Samuel 17:55

Ta neelal to, te c'alal la yilic te loc' bael te David te ba sta sba soc te filisteo, te Saúl la yalbey te Abner, te general yu'un soldadoetic: —Abner, ¿mach'a snich'an te quereme? —xi'.

Santiago 5:12

Ja'uc me to, quermanotac, ay bayal sc'oplal in to: Ma me xawaq'uic ta testigo te ch'ulchane ni te balumilale, soc ma me ayuc yan te bila ya awaq'uic ta testigoe. Te c'alal ya xc'opojexe: “Yac”, xaex me teme jiche, “Ju'uc”, xaex me teme ma jichuque, swenta yu'un jich ma xyaq'uex ta castigo te Diose.

Jeremías 5:7

Te Cajwaltic jich ya yal: —¿Bit'il ya jpasbat perdón yu'un spisil? Te anich'nabique la yijq'uitayonic, soc ja' ya yalbeyic loq'uel sbiil te ma diosuque. La cac'bey bayal swe'elic; ja'uc me to, ma junaj yo'tanic ta jtojol, soc jun nax la yac' sbaic bael ta spasel mulwej ta sna jmulawil antsetic.

Jeremías 5:2

Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.

1 Samuel 1:26

C'opoj te Ana, jich la yalbey te Elí: —Pasa perdón, tatic, te bit'il cuxulat toe, talon ta atojol, melel jo'on te tey la jc'opon Dios ta ats'eele.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Génesis 43:3

La sjac' te Judá: —Ja'xan te bit'il tulan sc'oplal la yalbotic te ajwalile: “Teme ma la awiq'uic tel te awijts'inique, ma me xtal awilonic”, la yutotic te c'alal xc'otucotique.

Génesis 42:34

Ya me awiq'uic tel quiltic te awijts'inic ya awalique, jich me ya jna' stojol teme melel te ma jtsajtaywanejuquexe. Jich me ya cac' ta libre te abanquilique, soc jich me jun awo'tanic ya x'ochex ta manbajel li' ta q'uinal to”, la yutotic —xiic.

Génesis 42:30

—Sc'ajc'al nax la sc'oponotic te ajwalil te bay c'ootique, la scuyotic te yu'un baem jtsajtaybeltic te slumale.

Génesis 42:20

Ja'uc me to, ya me awiq'uic tel quiltic te awijts'inique. Jich me ya jna' teme melel te bila la awalique, soc jich me ma xlajex ta milel —la yut. Jich la xch'uunic te bila la yale.

Génesis 42:16

Ticuna abaic bael jtuluc, ac'a ba yic' tel te awijts'inique, te ja'ex ya xjilex ta chuquel li'to. Jich me ya quil teme melel te bila ya awalique. Teme ma meleluque, yu'un nix me jtsajtaywanejex abi. Jamal me ya cal ta swenta faraón —la yut.

Génesis 42:12

La sjac' te José: —Ma meleluc, yu'un nix tal atsajtay awilic te bit'il ya xju' awu'unic te ya awochintayic te lume —xi' te José.

Génesis 42:7

Te José la yil te sbanquiltaque, la sna'bey sba ta ora; ja'uc me to, la scuy sba te ma sna'bey sba yilel. Tulan la sjojc'obey: —¿Ja'xanex, ban talemex? —la yut. —Talemotic ta Canaán, yu'un tal jmantic trigo —xiic ta stojol.

Génesis 42:14

La yal te José: —Awaiy xcal, jtsajtaywanejex nix a.

Génesis 43:5

Yan teme ma xawac'botic jointic baele, ma me xju' ya xbootic. Te melel jich la yalbotic te ajwalile: “Ma me xtal awilonic, teme ma la awiq'uic tel te awijts'inique”, la yutotic —xi'.