Génesis 42:13 - Bible in Tzeltal de Oxchuc y Tenejapa

¹³ La sjaq'uic: —Te jo'otique, lajchaytulotic te snich'nabotic jtul winic ay ta sq'uinal Canaán. Te jtul quijts'intique sjoinej jilel te jtatique. Te jtul xane, ma chicanuc bay a bajt' —xiic.

Bible in Tzeltal Bachajón

¹³ Te a'batotcotic awu'un, lahchaytuhlotcotic te junax jtatcotic te ay ta sq'uinal Canaán. Te jtuhl quihts'incotic sjoquinej hilel te jtatcotic, te yane ma chicanuc ban ay, xchihic.

Génesis 42:13 Referans Kwoze

Génesis 37:30

Sujt' bael ta bay te yantique: —Ma me chicanuc ya quil te quereme. ¿Bi ya cal yu'un te jo'one? —xi'.

Génesis 44:20

Jich la caltic ta atojol: “Te jtatic cu'untique, cuxul to, mamalix, soc ay yan jtul quijts'intic lajemix, te ja' jun sme' soc te jtul xan jileme. Ja' swentail te bayal c'ux ta yo'tan te jtatique”, te xootic la awaiye.

Génesis 42:32

Lajchaytulotic te jun nax tatil cu'untique. Te jtule, ma chicanuc bay bajt', te jtul xan quijts'intique sjoinej jilel te jtatic ta sq'uinal Canaán”, xootic.

Génesis 43:7

La sjaq'uic: —Te ajwalile, bayal la yich'otic ta c'op ta jyalel, te bit'il ayotic, te jaytulotique, soc spisil mach'a ay cu'untic. La sjojc'obotic yaiy teme cuxul to te jtatique, soc teme ay to yan quijts'intique. Te jo'otique ma'yuc yan bi la jpastic, ja' nax la jsujt'esbeytic te bila la sjojc'obotique. ¿Banti c'an jna'tic teme ya yal: “Ic'a tel te awijts'inique”, te xie? —xiic.

San Mateo 2:18

“Ay chicnaj c'op ta lum Ramá, yac ta aw ta oq'uel soc yac ta ajc'an. Ja' te Raquel te ya yoq'uetay te yalataque. Ma sc'an te ya xmuc'tesbot q'uinal yaiye, melel lajemiquix te yalataque”, te xie.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Lamentaciones 5:7

Te me'il-tatiletic cu'untic te wayemix sbaq'uetalique, la sta smulic ta stojol Dios; te jo'otique, ja' la jcuchbeytic jilel te smulique.

Jeremías 31:15

Te Cajwaltic ya yal: —Ay chicnaj c'op ta Ramá, yu'un ay mach'a c'axem to xan yacal ta oq'uel. Ja' te Raquel ya yoq'uetay te yalataque. Ma sc'anix te ya xmuc'tesbot q'uinal yaiye, melel lajemiquix te yalataque —xi'.

Génesis 45:26

Jich c'o yalbeyic te cuxul te José: —Ja' ochem ta ajwalil yu'un spamal sq'uinal Egipto —xiic c'oel ta stojol. C'alal la yaiy stojol te Jacob, cham nax la yaiy yu'un. Bayal c'opoj yo'tan yu'un, ma la xch'uunbey te bila albot yaiy yu'unique.

Génesis 44:28

Te jtule, loc' bael ta jtojol. Te ya cale laj ta ti'el yu'un ja'mal chambalametic, ja' to c'alal ora yo'tic to ma'yuc bay quilojbeyix sit.

Génesis 42:38

Ja'uc me to, la yal te state: —Ma xcac'bat bael te jnich'ane. Lajemix te sbanquile, stuquel xanix. Teme repente ay falta ya sta ta be ta bay ya xbaex soque, ya me xlajon ta mel-o'tan awu'unic —xi'.

Génesis 42:36

La yal te statique, ja' te Jacobe: —Bajt'ix ta pojel awu'unic te jnich'nabe. Te José ma chicanuc bay bajt'. Yo'tic, ch'ayix te Simeón, soc awo'tan ya awic'bonic bael te Benjamín. Bayal me ya awac'bonic jwocol —xi'.

Génesis 42:11

Te jo'otique jun nax jtatic ta jpisiltic. Ma jpastic lot te jo'otique, soc ma jtsajtaywanejucotic —xiic ta spisilic.

Génesis 42:12

La sjac' te José: —Ma meleluc, yu'un nix tal atsajtay awilic te bit'il ya xju' awu'unic te ya awochintayic te lume —xi' te José.

Génesis 42:14

La yal te José: —Awaiy xcal, jtsajtaywanejex nix a.

Génesis 43:29

Te José la stoy sit, la yil tey ay a te Benjamín, te mero yijts'in te jun sme' soque. La yalbey: —¿Ja' bal axutil-ijts'inic te la awalbonic caiye? Querem, ac'a yac'bat bendición te Diose —la yut.