Génesis 41:8 - Bible in Tzeltal de Oxchuc y Tenejapa

⁸ Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Bible in Tzeltal Bachajón

⁸ C'alal sacub q'uinal bayel bin tal ta yo'tan yu'un, ha yu'un la sticonlan ta iq'uel spisil te jna'ojeletic soc te p'ijil winiquetic ayic ta Egipto; la yalbe ya'iyic te swayich, pero mayuc mach'a la sna'be scuentahil.

Génesis 41:8 Referans Kwoze

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

San Mateo 2:1

Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

Daniel 4:5

Pero ay jun ajc'ubal, te c'alal wayalonix ae, waichejon. Te jwaiche, bayal tal xiwel ta co'tan yu'un. Bayal bila la jnop ta jol, soc ay bila yacon ta yilel la caiy ta co'tan te mero xiweltic sbae.

Daniel 1:20

Ta spisil te bitic ya sc'an p'ijil-o'tanil, soc ya sc'an lec snopjibale, ja'ic te jojc'obotic yu'un te muc' ajwalile. Te muc' ajwalile, lajuneb buelta toyem sp'ijilic la stabey a, te bit'il mach'atic ay sp'ijilic soc te ay bila ya sna'ic syoljoltayel ta banti ay ta ajwalile.

Isaías 29:14

Ja' yu'un ay me señailetic soc jchajp at'eliletic, ya me cac' xch'ay jilel q'uinal yaiyic yu'un te lume. Te sp'ijil sc'op te mach'a p'ijique ya me xch'ay ta jc'axel; te sp'ijil sjol te mach'atic ay sp'ijil yo'tanique ya me xch'ay —xi'.

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Isaías 8:19

Te ants-winiquetic ma ba wocol ya yalbeyex te ja'exe: —Jojc'obeya awaiyic te xch'ulel animaetic, soc te mach'atic ay bila ya sna'ic syoljoltayel te sajlajanic ya xc'opojique. Jojc'obeyic te diosetic yu'unic te lume. Puersa me ya sc'anbeyic tojtesel yu'un animaetic te mach'atic cuxajtique,

Levítico 19:31

“Ma me xbaex ta stojolic te mach'atic ya sc'oponic ch'ulelale, soc ma me xbaex ta stojolic te mach'a ay bila ya sna' syoljoltayele. Ma me ayuc bila ya ajojc'obeyic, melel ma lecuc ya xc'oex yu'un. Jo'on Ajwalilon Dioson awu'unic.

Éxodo 8:7

Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

Génesis 40:8

La yalic: —Yu'un ay jwaichtic, pero ma'yuc mach'a ya sna'bey swentail —xiic. Te José la yalbey: —¿Ma bal yacuc xju' yu'un te ya yac' ta na'el stuquel te Diose? Albonic caiy —xi'.

Génesis 40:6

Sacub q'uinal tal te José, la yil te bit'il yacalic ta mel-o'tan.

1 Corintios 1:19

Melel jich ts'ibubil jilel ta Sjun te Diose: “Ya me jinbey sp'ijilic te mach'atic p'ijique, soc ya me jch'aybey ta yo'tanic te mach'atic ay sp'ijil yo'tanique”, te xie.

Hechos 17:18

Ay filósofoetic yu'un te epicúreoetique soc te estoicoetique, jajch'ic ta tsaltomba-c'op soc te Pablo. Jich la yalic: —¿Bi ya sc'an ya yalic me chulti' to? —xiic. Soc ay yantic la yalic: —Jchol-c'op yu'un yach'il diosetic yilel —xiic yu'un. Jich la yalic yu'un te bit'il ya xcholbey sc'oplal te lec yach'il c'op yu'un te Jesús soc te bit'il ay te cha'cuxele.

Hechos 7:22

Soc la yich' p'ijubtesel ta lec te Moisese. Spisil la snopbey sp'ijil yo'tanic te egiptoetique. Ay bayal yip te sc'ope soc te yat'ele.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Isaías 19:3

Ya me cac'bey xch'ay q'uinal yaiyic, ya cac'bey xch'ay te bila chapal yu'unique. Jich yu'un ya xba sjojc'obeyic te yajcananic, soc te mach'atic ayic ta abatinel yu'un te pucuje; ya xba sjojc'obey xch'ulelic te animaetic, soc te mach'atic ay bila ya sna'ic syoljoltayel ta sc'opique.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Levítico 20:6

Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

Éxodo 9:11

Te p'ijil winiquetic ma ju' yu'unic spasel ta stojol Moisés, melel tsacotic ta c'a'el chin uuc jich bit'il te slumale.

Génesis 41:7

Te jucchex te nojelic ta site, lajinotic yu'un te jucchex te ma'yuc site. Cha'wijc' xan sit te faraón, la sna' te bit'il waichejel yac.

Génesis 41:15

Te faraón la yalbey te José: —Ay jwaich; ja'uc me to, ma'yuc mach'a la sna'bey swentail. Yan te ja'ate, caiyoj stojol te bit'il ya ana'bey swentail waichejel —la yut.

1 Samuel 6:2

Te filisteoetic la stsobic te sacerdoteetic yu'unic soc te mach'atic ay bi ya xju' yu'unic sna'ele, jich la yalbeyic: —¿Bi ya jpastic soc te cajón yu'un te Yajwal israeletique? Albotic bi ya cutic ya jsujt'estic bael ta yawil —xiic.

Daniel 4:6

La cal mandal te ya xtalic ta jtojol spisilic te mach'atic bayal bi sna'ojic te ayic ta Babilonia, swenta yu'un ya yalbonic caiy te bila swentailuc te jwaiche.

Daniel 4:18

“Jo'on muc' ajwalilon te Nabucodonosor te la jwaichin in to. Jich la cal: ‘Yo'tic, Beltsasar, albon me caiy te bila swentail te jwaiche. Melel te banti ayon ta ajwalile, ma'yuc jtuluc te mach'a ay bila sna'oj te ya xju' yu'un sna'beyel swentaile. Pero te ja'ate ya xju' awu'un sna'beyel swentail, melel te ja'ate, awich'ojbey te espíritu yu'un te ch'ul Diose’, xoon.

Génesis 41:24

Te jucchex te nojelic ta site, lajinotic yu'un te jucchex te ma'yuc site. Ja'uc me to, la calbeyix yaiyic te mach'atic p'ij yo'tanique, pero ma'yuc mach'a la sna'bey swentail —xi'.