Génesis 41:42 - Bible in Tzeltal de Oxchuc y Tenejapa

⁴² Jich la sloq'ues xch'ocow ay ta sc'ab te yich'ojbey selloil te yat'ele, la yac'bey ta sc'ab José. Soc la yac'bey slap buen t'ujbil c'u'il pasbil ta lino, la yac'bey yuan buen t'ujbil ualil pasbil ta oro.

Bible in Tzeltal Bachajón

⁴² Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

Génesis 41:42 Referans Kwoze

Daniel 5:29

Te muc' ajwalil Belsasar la yal mandal ta ora te ya yich' aq'uel slap púrpura c'u'il, soc te ya yich' xojel ta snuc' cadena pasbil ta oro te Daniel, soc la spuc ta alel spisilic te ja' nix yorail a te ya xc'ot ta yoxebal ajwalil te banti yac ta pasaw ta mandal te muc' ajwalile.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Ester 3:10

Jich te muc' ajwalil la sloq'ues ta sc'ab te xch'ocow swenta sello, la yac'bey te Amán, te scontro te judioetique.

Daniel 5:16

La yalboniquix te ja'at ya xju' awu'un yalel te bitic wocol ta na'ele, soc te ya awal ta jamal te bitic chujc'ulic ta na'beyel swentaile. Teme ja'at ya xju' awu'un yalel te c'opetic ts'ibubile, soc teme ya awalbon caiy te bila ya sc'an ya yale, ya me cac'bat alap púrpura c'u'iletic, soc ya me cac'bat awuan cadena pasbil ta oro, soc ya me cac' te ya xc'oat ta yoxebal ajwalil ta banti yacon ta mandalteswaneje —xi'.

Ester 8:2

Te muc' ajwalil la sloq'ues te xch'ocow swenta sello te la yich'bey sujt'el te Amán, ja' la yac'beyix te Mardoqueo. Jich te Ester la yac'bey yat'el ta administrador ta swentainel te biluquetic yu'un Amán ta neelal toe.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Ester 8:10

Te cartaetic ja' la yich' pasel ta swenta te muc' ajwalil Asuero, soc ac'bot yich' te sello yu'une. Jich la yich' ticunel ta correoetic te moemic ta caballoetic te mero ya x'animajique, te ja' nix te caballoetic yu'un te muc' ajwalile.

Ezequiel 27:7

Te apac'ale yich'oj pasel ta ch'albil lino talem ta Egipto, ja' nix ya xtuun awu'un ta bandera. Te awaxib paq'ue, morada soc tsajal pac', talem ta ti'ti'mar yu'un Elisa.

Cantares 1:10

Buen t'ujbil te asit-awelawe, buen t'ujbil te xch'alil te achiquine. Buen t'ujbil te anuc', buen t'ujbil c'oem soc te ualil-perlaetique.

Proverbios 31:24

Ya spas t'ujbil paq'uetic, soc ya spas chujquil ch'ujt'uletic, ya xchonbey te mach'atic ay sp'olmalique.

Proverbios 31:22

Ja' nix ya sjal smujq'uil; soc ja' ya sc'u'in stuquel te buen t'ujbil paq'uetique.

Ester 8:8

Yo'tic, ya cac'beyex permiso swenta yu'un ya apasic cartaetic ta swenta jbiil jo'on. Ya xju' ya ats'ibuyic ta jun te bila ya amulanic te yutsil-slequil ya xc'ot ya awaiyic a te judioetique. Ac'beyaic sello te cartaetic, ja' xatuuntesic te sello cu'un te muc' ajwalilone —xi'. (Te jun carta yich'oj pasel ta swenta te muc' ajwalile, soc teme ja' nix yich'oj te sello yu'une, mero ma xju' ta lajinel sc'oplal.)

Ester 3:12

Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

Proverbios 1:9

Melel jich me c'oem ta atojol te bit'il buen t'ujbil ach'alil, jich me te bit'il t'ujbil ualil ta anuc', soc jich me te bit'il corona ta ajol.

Ester 10:3

Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Génesis 38:18

La sjojc'obey: —¿Bi prendalil ya ac'an ya cac'bat jilel? —xi' te Judá. —Ja' xawac'bon jilel te asello soc te bila awuanej ae, soc abastón atsacoj ta ac'ab —xi' te antse. Jich te Judá la yac'bey te bitic c'anbot yu'une. Jich la sjoin sba ta wayel soc, jich la yic' yal.

Génesis 41:43

La yac' mouc ta carreta te tiq'uil ya xbajt' ta spate. Soc la yal mandal te ya yalic ta aw te c'alal ya xbeen c'axele: “Jamaic te be”, xiic me ta yalel. Jich la yac'bey swentain spamal sq'uinal Egipto.

1 Samuel 18:4

Te Jonatán la sloq'ues smuc'ul c'u' soc te yan sc'u' slapoje, la yac'bey te David, soc spuñal, st'imalte' soc yac'ul te sna spuñale.

Salmos 73:6

Jich yu'un ja' yuanejic te toyba-o'tanil, soc ja' sc'u'inejic te uts'inwanej.

Cantares 4:9

La awu'uninbon te co'tane, ja'at te jch'ielat toe, te quinamate; la awu'uninbon co'tan ta scaj nax te la awilon la quile, ta scaj nax jlijc' awual.

Jeremías 52:33

Jich ju' yu'un Joaquín te la sloq'ues sc'u'-spac' te la stuuntes ta chucjibal, soc te jayeb xan c'aal cuxule, la sjoin sba ta we'el soc te muc' ajwalil.

Isaías 3:23

te espejoetic, te t'ujbil paq'uetic, te sbejch'il sjolic, soc te xchujq'uilique.