Génesis 41:41 - Bible in Tzeltal de Oxchuc y Tenejapa

⁴¹ Yan te ja'ate ya me awentainbon spamal sq'uinal Egipto —xi'.

Bible in Tzeltal Bachajón

⁴¹ Te faraón hich la yalbe xan te José: Ya ca'bat acuentahin spahmal te sq'uinal Egipto, xchi.

Génesis 41:41 Referans Kwoze

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Daniel 6:3

Ora chicnaj yat'el ta stojol te yantic cheb xan mach'atic la yich' yat'elic ta yilel te yat'el yantique, soc ta stojolic te jwentainwanejetic ta juju-jsejp te q'uinale, melel mero bayal sp'ijil yo'tan ta at'el la yilic stuquel. Ja' yu'un te muc' ajwalile, la snop te ya yac'bey swentain te ajwaliletic yu'un te nacione.

Génesis 42:6

Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Proverbios 17:2

Te abat te ay sp'ijile, ya xc'ot ta swenta mandalteswanej ta stojol te nich'anil te q'uexlaltic sbae; soc ya xc'ot ta swenta sbiluc te tatile, jich nix bit'il te yantic snich'nabe.

Ester 10:3

Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Génesis 41:44

Te faraón la yalbey xan te José: —Jo'on faraón, la calix mandal te bit'il ma'yuc mach'a ya xju' ya stij sba ta spamal sq'uinal Egipto, ja' to teme ja'at la awal amandal —xi'.

Génesis 39:22

Jich te jcanan-chucjibale la yac'bey swentain José spisil te jchuqueletic te ayic ta chuquel soque. Spisil te bila ay ta pasel tey a, ja' chican stuquel te José.

Génesis 39:5

Te c'alal och ta swenta José spisil sbiluc, soc spisil sna te yajwale, jich chicnaj bendición ta stojol te egipcio-winic ta swenta bit'il sjoinej te José. Ta sna soc ta sq'uinal ay bendición ta stojol yu'un te Cajwaltique.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Salmos 105:21

la yac'bey yat'el ta ajwalil ta sna, yu'un ya swentainbey spisil sbiluc,

Eclesiastés 4:14

Manchuc me ja' ya x'och ta muc' ajwalil te querem, te loq'uel to ta chucjibal a te ya xmo ta muc'ul nactijibale, o teme mero me'ba a te mo ta muc'ul nactijibale, quiloj te ants-winiquetic ta balumilal te ya smulanbeyic yat'ele.

Génesis 45:8

Jich yu'un ma ja'uquex te la awac'onic tel, ja' la yac'on tel te Diose. Ja' ta swenta Dios te bit'il joy ta at'el te muc' ajwalil faraón, soc te bit'il jwentainejbey spisil te bila ay yu'un ta sna, soc te bit'il jo'on ya xmandalajon ta spamal Egipto.

Daniel 2:48

Te muc' ajwalil la stoyesbey xan yat'el te Daniel, la yac'bey bayal yutsil smajt'an. Soc la yac'bey yat'el ta ajwalil ta jsejp q'uinal te Babilonia sbiile. Ja' mero muc' jwentainwanej c'ot yu'un spisil te mach'atic bayal bi sna'ojic te tey ayic ta nación yu'unique.