Génesis 41:16 - Bible in Tzeltal de Oxchuc y Tenejapa

¹⁶ Te José la yalbey te faraón: —Te jo'one ma'yuc bila ya jna'. Dios me ya yac'bey sna' stojol swaich te faraón —xi'.

Bible in Tzeltal Bachajón

¹⁶ Te José hich la sjac'be sc'op te faraón: Te ho'one mayuc bin ya jna'; pero Dios me ya ya'be sna' scuentahil te faraón, xchi.

Génesis 41:16 Referans Kwoze

2 Corintios 3:5

Ma yu'unuc ya xju' ya caltic te ay bila ya xju' cu'untic ta jtuqueltic naxe. Spisil te bila ya xju' cu'untique, ja' ya yac' c'otuc ta pasel stuquel te Diose.

Génesis 40:8

La yalic: —Yu'un ay jwaichtic, pero ma'yuc mach'a ya sna'bey swentail —xiic. Te José la yalbey: —¿Ma bal yacuc xju' yu'un te ya yac' ta na'el stuquel te Diose? Albonic caiy —xi'.

Daniel 2:47

Patil jich la yalbey te Daniel: —Ta mero melel, Daniel, te Dios awu'unic ja' mero toyol yu'un yantic diosetic. Ja' Ajwalil yu'un ajwaliletic, ja' ya xchicnantes te bitic wocol ta na'ele, melel ju' awu'un xchicnantesel te bila wocol ta na'ele —xi'.

Hechos 3:12

C'alal jich la yil te Pedroe, jajch' sc'opon te lume: —Israeletic, ¿bi yu'un te yan sba ya awilic in to? ¿Bistuc te ya ana'liyotique? ¿Acuyojic bal te jo'otic la jcoltaytic in winic to? ¿Yu'un bal ya acuyic te jo'otic cu'eltic soc te bit'il lec jch'uunejtic Dios te la cac'tic beenuque?

Números 12:6

te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

Hechos 3:7

Soc la stsacbey jajch'el ta swa'el sc'ab. Ora nax a tulanaj xchebal te yacane soc la yich' yip te snuc' yacane.

San Lucas 19:42

Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

Daniel 4:2

Ya jc'an te yacuc ana'ic te bitic mero muc' sc'oplal spasojbon ta jtojol te Dios mero toyole.

2 Reyes 6:27

La sjac' te muc' ajwalile: —Teme ma ba ya scoltayat te Cajwaltic, ¿bi ya cut ya jcoltayat jo'on? ¿Yu'un bal ya xju' cu'un ya cac'bat trigo jiche, o vino?

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.

Génesis 41:17

La yal te faraón: —Ta jwaich teq'uelon ta ti'ja' la quil.

Génesis 41:25

Te José la yalbey te faraón: —Jun nax me sc'oplal xchebal te awaich, cajwal. Dios la yac'bat ana' te bila ya xc'ot ta pasel ta patil.

Génesis 41:28

Jich yu'un ya calbat, cajwal: Dios la yac'bat ana' te bila ya xc'ot ta pasele.

Deuteronomio 29:29

“Ay te bitic ma jna'beytic sc'oplal, ja' nax ay ta swenta stuquel te Cajwaltic te Dios cu'untique. Pero ay bitic ac'bil jna'beytic swentail jo'otic soc cal-jnich'antic, swenta yu'un ya me jpastic spisil ora te mandaliletique.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.