Génesis 40:5 - Bible in Tzeltal de Oxchuc y Tenejapa

⁵ Te bit'il ayic ta chucjibal te mach'a ya sc'asesbey svaso te ajwalil yu'un Egipto, soc te mach'a ya spasbey swe'ele, xchebalic waichejic ta jun nax ajc'ubal. Yanyantic sc'oplal swaichic ta juju-jtul.

Bible in Tzeltal Bachajón

⁵ Ta schebalic, te jc'asesej-copa soc te jpas-pan yu'un te ajwalil yu'un Egipto, te ayic ta cárcel, la ya'iyic wayich ta junax ahc'abal; yantic sc'oblal a te bin la swayichtayic ta tuhlultuhl.

Génesis 40:5 Referans Kwoze

Génesis 41:11

Jchebaltic ay jwaichtic ta jun nax ajc'ubal. Te jujun waichejel yan yantic sc'oplal.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Daniel 4:9

‘Beltsasar, jwentainwanej yu'un te mach'atic ay bila ya sna'ic syoljoltayele, jna'oj te ja' swentainejat te espíritu yu'un te ch'ul Diose, soc te ana'oj spisil te bitic wocol ta na'ele. Aiybon me awaiy jiche te bila la quil ta jwaiche, soc ya me awalbon caiy te bila swentaile’, xoon.

Daniel 4:5

Pero ay jun ajc'ubal, te c'alal wayalonix ae, waichejon. Te jwaiche, bayal tal xiwel ta co'tan yu'un. Bayal bila la jnop ta jol, soc ay bila yacon ta yilel la caiy ta co'tan te mero xiweltic sbae.

Ester 6:1

Ta ajc'ubal in to, te muc' ajwalil ma xtal swayel la yaiy. Ja' yu'un la sticun ta ich'el tel te libro te banti yich'oj ts'ibuyel te bitic mero tulanic sc'oplal c'oemic ta pasel ta nación, swenta yu'un ya yich' ilel ta stojol.

Números 12:6

te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Génesis 40:8

La yalic: —Yu'un ay jwaichtic, pero ma'yuc mach'a ya sna'bey swentail —xiic. Te José la yalbey: —¿Ma bal yacuc xju' yu'un te ya yac' ta na'el stuquel te Diose? Albonic caiy —xi'.

Génesis 20:3

Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Génesis 40:1

Ta patil ay bila la smulinic te cheb abatetic yu'un te muc' ajwalil yu'un Egipto. Te jtule, ja' te ya sc'asesbey svaso, te yane ja' te jpas-we'elil yu'un te ajwalile.

Génesis 40:4

Te jcanan-chucjibal la yac'bey ta sc'ab José, ochic ta swenta, bayal c'aal ayic ta chucjibal.

Génesis 40:6

Sacub q'uinal tal te José, la yil te bit'il yacalic ta mel-o'tan.