Génesis 4:26 - Bible in Tzeltal de Oxchuc y Tenejapa

²⁶ Ayin snich'an te Set, Enós sbiil c'ot. Ja' yorail te caj yalbeyic wocol ta stojol Cajwaltic te ants-winiquetique.

Bible in Tzeltal Bachajón

²⁶ Ayin snich'an te Set, Enós sbihil. Ha yorahil te hahch yalbeyic wocol ta stojol Jehová.

Génesis 4:26 Referans Kwoze

Salmos 116:17

Ya me cac'bat milbil amajt'an ta swenta yalel wocol; ya me jc'oponat ta spisil ora, Cajwal.

1 Reyes 18:24

Ya me xjajch' ac'oponic te diosetic awu'unique, jichon uuc ya me jc'opon te Cajwale. Te mach'a diosil te ya sjaq'ue, te ya sticun tel c'ajc', ja' me te mero Dios abi —xi' te Elías. —Buen lec te bila la awale —xiic ta spisilic te lume.

Sofonías 3:9

“C'alal ya xc'ot ta pasel, ya jlecubtesbey sc'op te lumetique, swenta yu'un spisilic me ya sc'opononic, swenta yu'un ta spisilic ya me yac' sbaic ta abatinel cu'un.

Joel 2:32

Spisil te mach'atic ya yalbey wocol te Cajwaltic ya me xcol stuquelic. Ta wits Sión, ta Jerusalén, tey ya xjul a te colele, jich nix te bit'il yaloj te Cajwaltique. Te mach'atic stsaoj stuquel cuxulic me ya xjil stuquelic.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

San Lucas 3:38

Enós, Set, Adán, ta slajibal ja' te Diose.

Jeremías 33:16

Te bi yorail ya cale, te Judá ya me xcol soc Jerusalén, jun nax me yo'tan ya xcuxinic. Ja' me sbiil ya awalbeyic: “Cajwaltic te toj ya yaiy tsalaw cu'untique”, xi' me.

Génesis 26:25

Jich yu'un te Isaac la spasbey scajtijib ta chiq'uel smajt'an Dios, la xchic'bey jcojt' chij tey a, soc la squejan sba ta stojol Dios. Tey la stejc'an snailpac' a, soc te abatetic yu'un la sjoq'uic jun pozo.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

Romanos 10:13

Jich te bit'il ts'ibubil jilele: “Spisil mach'a ya yalbey wocol ta stojol te Cajwaltique, jich me ya xcol yu'un”, te xie.

Hechos 11:26

Te c'alal la stae, la yic' tel ta lum Antioquía. Sjunal ja'wil la sjoinic te jch'uunjeletic soc la sp'ijubtesic tsobol ta jtul. Ja' nix te Antioquía ta banti neel ac'bot sbiilinic “cristianoetic” te jnopojeletique.

Hechos 2:21

Spisil mach'atic ya sc'anic coltayel ta stojol te Cajwaltique, ya me xcolic”, te xie.

Isaías 63:19

Jich c'oemotiquix te bit'il ma ba la apasotic ta mandal, ni jtebuc; jich c'oemotiquix te ma ba quich'ojtiquix te abiile.

Isaías 48:1

“Aiya awaiyic stojol te bi ya cale, ja'ex te sts'umbalex Jacob, te ja' abiilinej te Israel, soc sts'umbalex Judá. Teme ay bila ya awalic ta jamal, ja' nax ya awalic ta swenta te Cajwaltique; ya ac'oponic te Dios yu'un Israel, manchuc me ma'yuc bila smelelil ni stojil ta awo'tanic.

Isaías 44:5

Ay me jtul ya yal: “Yu'unon Cajwaltic”, te xie, yan ya yal: “Ja' sts'umbalon Jacob”, te xie. Yan ya sts'ibuy ta sc'ab: “Ja' yu'unon te Cajwaltique”, te xie; soc ya me sbiilinbey xan sbiil Israel —xi' te Cajwaltique.