Génesis 4:17 - Bible in Tzeltal de Oxchuc y Tenejapa

¹⁷ Te Caín la sjoin ta wayel te yiname, jich la yic' yal, Enoc sbiil c'ot. Soc la spas muc'ul lum te Caín, Enoc sbiil c'ot yu'un te lume, ja' la yac'bey sbiilin te sbiil snich'ane.

Bible in Tzeltal Bachajón

¹⁷ Te Caín la sjoquin ta wayel te yihnam, hich hahch yal, Enoc sbihil. Soc la spas muc'ul pueblo, la ya'be sbihilin Enoc, ha te sbihil te snich'ane.

Génesis 4:17 Referans Kwoze

Salmos 49:11

Manchuc me la yac'bey sbiilic sq'uinalic te sbiilique, pero ja' me snaic sbajt'el q'uinal te muquenale.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

2 Samuel 18:18

Te c'alal cuxul to a te Absalón la yac' ta pasel walubil ton ta stenlej xatal q'uinal Muc' Ajwalil sbiil. Ja' la yac'bey yich' sbiile, scaj te ma'yuc snich'an ya x'ich'bot jilel yu'une. C'alal ora jich sbiil yu'unic, “Sna'jibal Absalón”, xiic yu'un.

Génesis 11:4

Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

Génesis 5:22

Sjoy sba soc Dios te Enoc te la spasbey sc'anjel yo'tane. Patil jo'lajunwinic (300) xan ja'wil cuxin c'alal ayinemix a te Matusalén, soc ay yantic snich'nab, queremetic soc ach'ixetic.

Génesis 5:18

Ay cheb sbalunwinic (162) ya'wilal te Jared c'alal ayin snich'an, Enoc sbiil c'ot yu'un.

Génesis 4:16

Jich a loc' ta stojol Dios te Caín, ba nainuc ta Nod ay ta stojol sloq'uib c'aal yu'un Edén.

Génesis 4:18

Ja' snich'an Enoc te Irad. Ja' snich'an Irad te Mehujael. Ja' snich'an Mehujael te Metusael. Ja' snich'an Metusael te Lamec.

Salmos 49:12

Te ants-winique ma sbajt'eluc q'uinal cuxul manchuc me mero jc'ulej; ja' nix jich ya xlaj te bit'il ya xlaj te chambalame.