Génesis 4:16 - Bible in Tzeltal de Oxchuc y Tenejapa

¹⁶ Jich a loc' ta stojol Dios te Caín, ba nainuc ta Nod ay ta stojol sloq'uib c'aal yu'un Edén.

Bible in Tzeltal Bachajón

¹⁶ Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

Génesis 4:16 Referans Kwoze

Jeremías 52:3

Jich yu'un te Cajwaltic ilin yu'un te Jerusalén soc Judá, la xch'oj loq'uel ta stojol. Patil te Sedequías jelaw ta stojol te muc' ajwalil ta Babilonia.

Jeremías 23:39

ya me jachex jichuc ijc'atsil, te ja'exe soc te muc'ul lum la cac'beyex soc te antiguo ame'-atatique, c'ubul to me ya jch'ojex bael ta jtojol.

Job 2:7

Te Satanás loc' bael ta stojol te Cajwaltique, la sticunbey buen tulan sac'al chin ta snujc'ulel te Job, jajch' ta yacan c'alal ta sjol, potsot yu'un te chamele.

2 Reyes 24:20

Ja' yu'un te Cajwaltic ilin ta stojol Jerusalén soc ilin ta stojol te Judá, jc'axel la xch'oj loq'uel ta stojol. Patil te Sedequías la stoy sba ta stojol te muc' ajwalil yu'un Babilonia.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Génesis 4:14

melel ya atenon loq'uel ta q'uinal, soc ma xawac'bonix quilbat asit. Melmonel ya xc'oon, soc ma xwejt' bay ya x'ainon. Spisil mach'a ya staon, ya me smilon —xi'.

Génesis 3:8

Te c'alal yaquix ta malel c'aal a, te winic soc te antse la yaiybeyic sc'op te Cajwaltic Dios te yac ta beel ta awalts'unubile. Ora c'an snac' sbaic ta sit Cajwaltic Dios ta bay yolil te'etic te ayic ta awalts'unubile.

1 Tesalonicenses 1:9

Ja'ic nix te ya yalbeyex ac'oplalic te bin nax awo'tanic la anajc'anotic te c'alal julotic ta atojolique, soc ora nax la awijq'uitayic xch'uunel te loc'ombaetique. La asujt'es awo'tanic ta stojol te Diose, soc ja' la awac' abaic ta abatinel yu'un te mero cuxul Diose.

San Juan 1:10

Ayix ta balumilal te mach'a la xchicnantes te balumilale, ja'uc me to, te mach'atic ay yu'une ma la sna'beyic sba.

San Juan 1:3

Ja' ta swenta stuquel te bit'il chicnaj spisil te bitic aye; xujt' ma'yuc te ma ja'uc pasbil ta swentae.

San Lucas 13:26

Jich me ya xjajch' awalic ts'iin: “Ay la join jbatiquix ta we'el-uch'ajel, soc ja'at la ap'ijubtesotiquix ta banti te jlumaltique”, ya me awutic.

San Mateo 18:20

Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

Salmos 68:2

Jich ya xch'ayic bael te bit'il ch'ail ya xch'ay bael ta ic', ya x'ulubic jichuc chabec' ta c'ajc'; jc'axel ch'ayemic ta stojol Dios te mach'atic amen yo'tanique.

Salmos 5:11

Binuc nax yo'tanic te mach'atic ya sleic te canantayel awu'une; ac'a c'ajinuc soc sbujts' yo'tanic ta spisil ora, melel ja'at ya acanantay. Te mach'atic c'uxat ta yo'tan bin nax yo'tanic ta awenta.

Job 20:17

Ma me xju' ya yaiybey yutsilal te ipal c'ulejalil ay yu'une, ja' te leche soc chab yac ta oc jichuc muc'ja' c'oeme.

Job 1:12

Te Cajwaltic jich la yalbey te Satanase: —Lec ay jiche, pasa spisil te bila ya sc'an awo'tan ta stojol te sbiluc te Job, pero ma me ayuc bila amen xapasbey stuquel —la yut. Jich te Satanás loc' bael ta stojol te Cajwaltique.

Génesis 4:17

Te Caín la sjoin ta wayel te yiname, jich la yic' yal, Enoc sbiil c'ot. Soc la spas muc'ul lum te Caín, Enoc sbiil c'ot yu'un te lume, ja' la yac'bey sbiilin te sbiil snich'ane.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.