Génesis 4:15 - Bible in Tzeltal de Oxchuc y Tenejapa

¹⁵ Te Dios la yalbey: —Teme ay mach'a ya smilate, juqueb buelta ya x'esmaj castigo ta stojol —xi'. Jich yu'un te Cajwaltic la yac'bey señail ta sbaq'uetal te Caín, swenta yu'un ma me ayuc mach'a ya xmilot yu'un.

Bible in Tzeltal Bachajón

¹⁵ Halbot yu'un te Jehová: Teme ay mach'a ya smil te Caín, huqueb buelta ya xtohy castigo yu'un, xchi. Ha yu'un te Jehová la ya'be seña ta sbaq'uetal te Caín scuenta yu'un ma ba ya xmilot yu'un te mach'a ya xtahot yu'une.

Génesis 4:15 Referans Kwoze

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Salmos 79:12

Dios cu'un, sujt'esbeya spacol juqueb buelta c'oem ta stojolic te mach'atic ayic ta sti'il te jq'uinaltique, ja' te uts'inwanic ta atojole.

Génesis 4:24

Teme juqueb buelta ya x'esmaj castigo ya yich' te mach'a ya smil te Caine, yan te mach'a ya smilone, te juqueb buelta ya me x'esmaj lajuneb xchanwinic (70) buelta castigo ya yich' —xi' te Lamec.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

San Mateo 26:52

Jesús la yalbey: —Q'ueja ta sna te apuñale, melel te mach'a ya yac' puñal, puñal nix ya yaiy ya xlaj uuc.

Oseas 1:4

Te Oseas jich albot yu'un te Cajwaltique: —Jezreel me sbiil xawac'bey te alale, melel nopolix ya cac'bey castigo te sts'umbal te muc' ajwalil Jehú ta scaj te milaw la spas ta Jezreel. Ya me jlajinbey sc'oplal te nación Israel.

Salmos 59:11

Ma me jc'axeluc xamil, jich ma xch'ayic ta yo'tan a te jlumale; puca bael ta swenta te awu'ele, soc ac'a yich'ic pejc'anel awu'un. Te Cajwal ja' me jcanantaywanej cu'un stuquel.

1 Reyes 16:7

Ta swenta te j'alwanej yu'un Dios Jehú snich'an Hanani, te Cajwaltic la yalbey ta jamal te bi ya xc'ot ta stojol te Baasa soc nix te mach'atic ay yu'un, scaj te ma lecuc ta sit Cajwaltic te bitic la spase. Te Baasa la yac' ilinuc te Cajwaltic, melel lom amen te yat'ele, ja' pajal soc te yat'el Jeroboam soc mach'atic ay yu'un, ja' te lajinotic yu'un te Cajwaltique.

Levítico 26:28

ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Levítico 26:24

ja' ni me jich tulan ya cac' jba ta atojolic, ya me cac'beyex juqueb xan buelta castigo yu'un te amulique.

Levítico 26:21

“Teme stalel jich ayex baele, te tulan ya awac' abaic ta jtojole, soc te ma x'ac'anic te ya ach'uunbonic te jc'ope, ya me cac'beyex juqueb xan buelta castigo, chican te bit'il ay te amulique.

Levítico 26:18

“Manchuc jich ya jpasbeyex, pero teme ma ba ya ach'uunbonic te jmandale, ya me jtoy xan juqueb buelta castigo yu'un te amulique.

Proverbios 6:31

Pero teme yac ta elec' a te ya xtaote, ya me sujt'es juqueb buelta te bila la yelc'ane, asta spisil ya yac' te bitic jayeb ay yu'une.