Génesis 4:14 - Bible in Tzeltal de Oxchuc y Tenejapa

¹⁴ melel ya atenon loq'uel ta q'uinal, soc ma xawac'bonix quilbat asit. Melmonel ya xc'oon, soc ma xwejt' bay ya x'ainon. Spisil mach'a ya staon, ya me smilon —xi'.

Bible in Tzeltal Bachajón

¹⁴ Yo'tic yac atenonix loq'uel ta q'uinal, ya xloc'onix ta atojol, jbehyemon soc jyanlumon ya xc'ohon ta q'uinal, soc mach'ayuc a te ya stahon ya me smilon, xchi.

Génesis 4:14 Referans Kwoze

Números 35:19

“Te yermano te mach'a laj baele, ja' me ay ta swenta smilel te jmilawal te c'alal ya stae.

Salmos 143:7

Cajwal, jac'bon me jc'op ta ora; yac meix ta comel q'uinal ya caiy. Ma me x'acombon te jcoltayel; teme jich ya apasbon ta jtojol, jich me ya xc'oon te bit'il mach'atic lajemique.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Deuteronomio 28:65

Te jayeb c'aal ya xcuxinat ta bay te nacionetique, ayat me ta mel-o'tan soc ma me ayuc cux-o'tan ta atojol, melel te Cajwaltic ya me yac'bat xiwel spisil ora, ay me mel-o'tan ta asit-awelaw soc bayal yo'bolil aba.

2 Tesalonicenses 1:9

Ya me xc'ax swocolic ta castigo ta ch'ayel sbajt'el q'uinal. Ya me yich'ic ch'ojel loq'uel ta stojol te Cajwaltique soc ta bay yutsilal yu'el te Cajwaltique.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Jeremías 52:3

Jich yu'un te Cajwaltic ilin yu'un te Jerusalén soc Judá, la xch'oj loq'uel ta stojol. Patil te Sedequías jelaw ta stojol te muc' ajwalil ta Babilonia.

Números 35:27

te yermano te mach'a lajem, ma smuluc ya xc'ot teme la sta ta be teme la smile.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Oseas 13:3

Ja' yu'un, jichic me te bit'il sjab lum ta sacubel q'uinale; jichic me te bit'il ts'ujul ta ijc' to q'uinale. Ta sab ya xch'ay jc'axel, jich bit'il taquin ac ya slic bael te iq'ue, jich bit'il ya xloc' ta sbe te ch'aile.

Isaías 8:22

soc ta patil ya me yilic ta alan; ma me ayuc bila ya staic, ja' nax me ya staic me'bail soc ijc' q'uinal. Ajc'ubal me ya x'ainic soc mel-o'tan; ta spisilic ya me xmucotic ta ajc'ubal. Te mach'atic tenbilique, ma xju' te ya scoltay sbaique.

Proverbios 14:32

Te mach'a amen yo'tan, ya me xjinot yu'un te bila ma lecuc ya spase; yan te mach'a lec yo'tane, ja' ya xcanantayot yu'un te slequil yo'tane.

Salmos 109:12

Ma me ayuc mach'a ya xna'bot yo'bolil sba yu'un, ni ja'uc te snich'nab te jilemic ta me'ba alale.

Salmos 109:10

Te snich'nab ac'a beenuc ta bayuc ta c'anbajel; ac'a yich'ic ch'ojel loq'uel ta sna te jinemixe.

2 Samuel 14:7

Yo'tic spisil te jpat-jxujq'ue ma lecuc yo'tanic ta jtojol, ya sc'anic te ya cac'bey ta sc'abic te mach'a la smil te yermano. Yu'un laj ya sujt'esbey spacol te xch'ich'el te mach'a laj ta milele. Jich ya smilic te jtul xan mach'a ay ta swenta yich'el jilel te bi ay yu'un te state. Jich ya stup'bonic te jun xan ac'al c'oem te jil cu'une. Jich ya stup'beyic sts'umbal soc sbiil ta balumilal te jmamlale —xi' te antse.

Levítico 26:36

“Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Génesis 3:24

Jich a loq'uesot ta awalts'unubil te ants-winique. Ta stojol sloq'uib c'aal Dios la yac' querubinetic, soc ay puñal yac ta tilel tey a te bayuc nax ya sjimulay sba, swenta yu'un ma me ayuc mach'a ya xc'ot ta banti ay te te' ya yac' cuxinele.

Génesis 4:13

Te Caín la yalbey te Diose: —Bayal ayon ta castigo, ma xcujch' cu'un,

Deuteronomio 28:64

te Cajwaltic ya me spucat bael ta spisil nacionetic ta spamal balumilal. Tey me ya xc'o ach'uun yantic bitic cuybil ta Dios te pasbilic ta te' soc ta ton, te ni ja'ucat soc ni ja'uc te antiguo ame'-atat la sna'beyic sbae.