Génesis 38:9 - Bible in Tzeltal de Oxchuc y Tenejapa

⁹ Ja'uc me to, la sna' stojol te Onán te ma ja'uc sts'umbal ya xc'ot teme nich'naje, jich yu'un ma la sc'an yac'bey yal te yinam sbanquile. Jich yu'un te jujun buelta ya sjoin sba soque, ma mero la sc'opon sbaic ta lec, swenta yu'un ma xjajch' yal te antse, yu'un ma la sc'an ya yac'bey sts'umbal te sbanquile.

Bible in Tzeltal Bachajón

⁹ Pero la sna' te Onán te ma ha'uc sts'umbal nix ya xc'oht, ha yu'un te jujun buelta te ya xway soc te yihnam te chawinic sbanquil ya smal cohel ta lum te snich'an te winique, scuenta yu'un ma ba ya xchicnaj sts'umbal a te sbanquile.

Génesis 38:9 Referans Kwoze

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

Santiago 3:16

Melel te bic'tal-o'tanile soc te toybaile, tey ya xchicnaj guerra a soc spisil ta jchajp te bila amene.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Santiago 3:14

Yan teme nojel awo'tanic ta bic'tal-o'tanil soc jex-o'tanil, ma me xacuy abaic te lec ayex soc te sp'ijil awo'tanique, soc ma me x'asut ta lot te bila smelelile.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Rut 4:10

Soc ja'ex testigoex yu'un te ya quic' quinamin te Rut, te me'ba ants talem ta Moab. Jich ma xch'ay sbiil ta q'uinal te anima smamlal te Mahlón sbiile. Ma xch'ay sbiil ta stojol te slumale, soc ma'yuc bi ora ya xch'ay ta o'tanil yu'un. Ja'ex me testigoex cu'un —xi'.

Deuteronomio 25:6

Te ba alalquerem ya x'ayin yu'unique, ja' me sjelol ya xc'ot te winic laje, swenta yu'un jich me ma xch'ay sbiil ta Israel a te yermanoe.

Rut 1:11

Te Noemí la yalbey xan: —Sujt'anic bael, antsetic. ¿Bistuc ya ajoinonic bael? ¿Yu'un bal ya xtal xan cal cac'beyex amamlalinic?

Génesis 38:10

Te Cajwaltic ma lecuc yo'tan yu'un te bit'il jich la spas te Onán. Jich yu'un ma la yac' cuxinuc uuc.

Deuteronomio 25:5

“Teme ay cheb winiquetic te yermano sbaic te jun nax na te banti nainemique, teme ay ya xlaj jtuluque, teme ma'yuc ya xjil jtuluc snich'ane, te me'ba ants ma me xju' ya xnujbin soc winic teme yan familia. Ja' ni me te yermano te smamlal te laj te ya xju' ya yic' yinamine. Jich me ya spas a te bila ay ta swenta spasel ta stojol te antse, swenta te bit'il ja' yinam yermanoe.