Génesis 37:8 - Bible in Tzeltal de Oxchuc y Tenejapa

⁸ La yalic te sbanquiltaque: —¿Yu'un bal sc'oplal ya cajwalinticat ya awal? ¿Yu'un bal sc'oplal ya xmandalajat ta jtojoltic? —la yutic. Bayal to xan la yil-o'tantayic yu'un ta swenta swaich soc ta swenta te sc'ope.

Bible in Tzeltal Bachajón

⁸ Hich joc'obot yu'un te sbanquiltac: ¿Yu'un bal ya x'ochat ta ajwalil cu'uncotic? ¿Yu'un bal jcuentahinwanej ya xc'ohat ta jtojolcotic? la yutic. Hich bayel xan la sp'ajic yu'un te swayich soc te sc'ope.

Génesis 37:8 Referans Kwoze

Hechos 7:35

“Te jlumaltic israeletique ma la sc'an yich'ic ta muc' te Moisese, melel jich la yalbeyic: “¿Mach'a la yac'bat awat'el ta ajwalil soc ta juez?”, te xi' sc'oplal yu'unique. Ja'uc me to, Dios la yac'bey yat'el ta ajwalil soc ta yaq'uel ta libre ta swenta te ch'ul abat te chicnaj ta stojol ta bay jpejt' ch'ix te yac ta tilele.

1 Samuel 10:27

Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

San Lucas 20:17

Ja'uc me to, te Jesús la yilbey sitic. Jich la yal: —¿Bi xi' jiche te bila ts'ibubil jilel ta Sjun te Diose: “Te ton te ma xtuun la yilic te jpas-naetique, ja' yiptajib chiquin-na c'otix stuquel”, te xie?

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

Salmos 118:22

Te ton te ma lecuc la yilic te jpas-naetique, ja' mero muc' sc'oplal c'oem stuquel.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.

Éxodo 2:14

Te hebreo-winic la yalbey: —¿Mach'a la yac'bat awat'el te ya xtal apasotic ta mandale? ¿Yu'un bal ya ac'an amilon jich bit'il la amil te egipcio-winique? —xi'. C'alal la yaiy stojol te Moisés, xiw yu'un. La sna' stojol te chicnajemix te bit'il laj te jtul egipcioe.

Génesis 49:26

Te jayeb bendición la jc'anbat jo'on te atatone, c'ax jich yipal te bit'il c'anboton jtuquel yu'un spisil te antiguo jme'-jtatique. Te jich yipal c'aal te ma xlaj te witstiquile, ja' me bendicionetic ya x'ac'botat, José; ja'at te la awich' tsael ta yolil te awermanotaque.

Génesis 37:4

Ilot yu'un te sbanquiltac te bit'il c'ax c'uxtaybil yu'un stat te bit'il c'uxtaybil stuquelique. Jich yu'un la yil-o'tantayic, ma lecuc yo'tanic ta stojol.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 37:9

Ta yan buelta waichej xan te José. La xcholbey yaiyic te sbanquiltaque: —Ay yan jwaich, aiya awaiyic stojol, ya calbeyex awaiyic. La quil la stinan sbaic ta jtojol te c'aal, te u, soc te bulucheb eq'uetique —xi'.

Génesis 42:10

—Ma jichuc, cajwal. Ja' nax a talotic ta smanel trigo te awabatotique.

Génesis 44:18

Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Génesis 50:18

Te sbanquiltac c'o stinan sbaic coel c'alal ta lum ta stojol, jich la yalbeyic: —Li' ayotic te amozootique —xiic c'oel.

Deuteronomio 33:16

soc te yutsil te sit ya snojes a te lumq'uinale, soc ta swenta te yutsil yo'tan te mach'a nainem ta bay ch'ix te yac ta tilele. Ta spisil, ac'a taluc ta stojol José, te la yich' tsael ta yolil te yermanotaque.

1 Samuel 18:8

Ma lecuc la yaiy te Saúl te jich alote, mero ilin yu'un. Jich la yal: “Te David ya yac'beyic ta swenta smilel lajunmil (10,000) ta jtul winiquetic, yan te jo'one ja' nax jmil (1,000) ta jtul. Ja' xanix te ma ba ya yaq'uic ochel ta muc' ajwalil”, xi' yu'un.