Génesis 37:4 - Bible in Tzeltal de Oxchuc y Tenejapa

⁴ Ilot yu'un te sbanquiltac te bit'il c'ax c'uxtaybil yu'un stat te bit'il c'uxtaybil stuquelique. Jich yu'un la yil-o'tantayic, ma lecuc yo'tanic ta stojol.

Bible in Tzeltal Bachajón

⁴ C'alal la yilic te sbanquiltac te c'ax hich c'ux ta o'tanil yu'un stat a te José te bin ut'il c'uxultaybilic stuquelic, la sp'ajic soc ma ba lec yo'tanic la sjuquic ta c'op.

Génesis 37:4 Referans Kwoze

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

Salmos 69:4

Tsobolic te mach'atic ay slab yo'tanic cu'un te tojol naxe, c'ax jich yajtalul a te bit'il stsotsil jole; mero esmajix te jcontrotac, ja'ic te tojol nax ya sc'an ya slajinonique. Ya yac'bonic jsujt'es te bila quelc'anej ta sc'opique, pero ma'yuc bila quelc'anej.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.

Génesis 37:5

Jun buelta waichej te José. La xcholbey yaiyic te sbanquiltac te bit'il ay te swaiche. Bayal to xan la yil-o'tantayic yu'un.

Génesis 4:5

Yan te Caín ma lecuc yo'tan Dios yu'un soc te smajt'an te la yac'beye. Jich te Caín bayal a ilin yu'un, yanaj sit yu'un te yilimbae.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Salmos 38:19

Te jcontrotac ay yipic ta lec, bayalic te ya slab-o'tantayonic te ma'yuc swentaile.

Génesis 49:23

Ay swocol ta il-o'tantayel spisil ora, ya xc'ax yo'tan yu'un t'imuywanejetic.

Génesis 37:11

Te José lab-o'tantayot yu'un sbanquiltac ta scaj te swaiche. Yan te state bayal bi la snop yu'un.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

San Marcos 3:25

Ja' nanix jich te mach'atic jun nax na ayique, teme ya xat sbaique, jich ma xju' ya xjalajic ta q'uinal.