Génesis 36:8 - Bible in Tzeltal de Oxchuc y Tenejapa

⁸ Jich c'o nainuc ta witstiquil Seir te Esaú te Edom yan sbiile.

Bible in Tzeltal Bachajón

⁸ Hich c'oht nahinuc ta witsiltic yu'un Seir te Esaú, te Edom yan sbihile.

Génesis 36:8 Referans Kwoze

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Malaquías 1:3

yan te Esaú ma lecuc co'tan yu'un stuquel. Te slumal Esaú witstiquil te sq'uinale; ja'uc me to, la jc'atp'un ta jochol taquin q'uinal. Jich te sq'uinal sts'umbal Esaú ja' nax lec yu'un yawil te ja'mal ts'i'etic —xi' te Cajwaltique.

2 Crónicas 20:23

Melel te amonetic soc te moabetic, ja' ba yac'beyic guerra te mach'atic talemic ta wits Seir, jc'axel la slajinic. Ta patil te c'alal laj yu'unic, jajch' smil sbaic.

2 Crónicas 20:10

Ja' yu'un ta ora to, tey ayix te amonetic, te moabetic soc te mach'atic ayic ta witstiquil ta Seir, ja' nix yajwalic te q'uinal ta bay ma la awac' ochuc bael tey a te israeletic te c'alal loq'uic tel ta Egipto, la yijq'uitayic jilel, ma ba la sjinic.

1 Crónicas 4:42

Soc ay jo'winic xcha'bajc' (500) ta jtul winiquetic yu'un te sts'umbal Simeón te bajt'ic ta witstiquil yu'un Seir. Ja' jtsobwanejetic yu'unic te Pelatías, Nearías, Refaías soc Uziel, te snich'nab Isi.

Josué 24:4

te snich'an la cac'beye, ja' te Isaac. Te Isaac la cac'bey cheb snich'nab, ja' te Jacob soc Esaú. Te Esaú la cac'bey te witstiquil ta Seir, yan te Jacob bajt' ta Egipto soc te snich'nabe.

Deuteronomio 2:5

ma me xawac'beyic guerra ta stojolic, melel ma me ayuc jxujt'uc ya cac'beyex stuquel te lumq'uinal yu'unique. Melel te witstiquil yu'un Seir ja' yu'unic stuquel te patil alnich'anetic yu'un Esaú, jo'on la cac'bey yu'uninic stuquelic.

Génesis 36:1

Jich ay sbiilic te sts'umbal Esaú, te Edom yan sbiile.

Génesis 14:6

soc te horeoetic ta witstiquil Seir. La snutsic bael c'alal ta spamlej q'uinal Parán te nopol yiloj sba soc te muc'ul jochol taquin q'uinale.

Génesis 36:9

Jich sbiilic te sts'umbal Esaú, te stat te edometic te ayic ta witstiquil Seir:

Deuteronomio 2:4

Albeya jmandal te lume: ‘Ya me xc'axex ta slum-sq'uinal patil alnich'anetic yu'un Esaú, te nainemic ta Seir, ja'ic nix achapomal. Bayal yacalic ta xiwel ta atojolic, pero tsajtaya me abaic,

Deuteronomio 2:22

Te la spasique, ja' pajal soc te bila la spasic te sts'umbal Esaú, te nainemic ta Seir, te la slajinic te horeoetic, tey jilic ta nainel ta yawilic.

Jeremías 40:11

Jich nix te judioetic te ayic ta Moab, Amón, Edom soc te yantic nacionetique, la yaiyic stojol te la sc'an yo'tan te muc' ajwalil yu'un Babilonia te ay judioetic te la yac' xan jilel ta sq'uinalic, soc te ja' ac'ot jilel ta ajwalil yu'unic te Gedaliase.

Génesis 25:30

Jich yu'un la yalbey te Jacob: —Yacuc awac'bon jtebuc jwe' te atsajal cheneq'ue, yu'un ya xlajon ta wi'nal —xi'. (Ja' swentail te bit'il Edom sbiil a c'ot te Esaú.)

Génesis 32:4

La yalbey mandal: —Jich me ya xc'o awalic ta stojol: “La yal tel sc'op te awabat Jacob: Bayal c'aal la sjoin te Labán, tey jalajem a ja' to ta ora to.

Génesis 36:43

Magdiel soc Iram. Edom yan sbiil te Esaú. Te mach'atic loc' sbiilique ja' jtsobwanejetic yu'un edometic, jich nix te bit'il ay te sq'uinalique.

1 Samuel 14:47

Jich te Saúl ay ta ajwalil c'ot ta spamal te sq'uinal israeletique. La yac'bey guerra ta spisil ta bayuc te scontro, ja'ic te Moab, Amón, Edom soc te muc' ajwalil ta Soba, soc nix te filisteoetique. Ta bayuc bajt' te Saúl la yaiy tsalaw.

Abdías 1:1

Te bila ac'bot yil Abdías yu'un te Cajwaltique ta swenta sc'oplal Edom: Ay caiyojtic stojol sc'op Cajwaltic, ja' te c'op te bajt' ta albeyel te nacionetic te jich albotique: —Jajch'ucotic ta beel, conic cac'beytic guerra Edom —xi'.

Abdías 1:3

Ja' la slo'layat te atoybaile. Te ja'at tey nainemat ta japal tontiquil soc nainemat ta toyol witstiquil, jich c'oem ta awo'tan te ma'yuc mach'a ya sjinat ta ac'ope.