Génesis 34:3 - Bible in Tzeltal de Oxchuc y Tenejapa

³ Te Siquem la smulan te Dina, la sc'an te ya yic' sba soc, lec la sc'opon.

Bible in Tzeltal Bachajón

³ Pero jun sch'uhlel la ya'iy sba soc te Dina te yantsil-nich'an Jacob, bayel la smulan te ach'ix, soc la yutsil c'opon.

Génesis 34:3 Referans Kwoze

Oseas 2:14

“Jo'on me ya jmon; ya me quic' bael ta jochol taquin q'uinal soc ya me jc'opon soc yutsil co'tan.

Isaías 40:2

c'oponaic soc yutsil awo'tanic te mach'atic ac'bot yijq'uitayic te Jerusalén, soc albeya yaiyic: te mosoinel ta stojole, lajix sc'oplal, la stojix te faltaetic yu'une. La cac'beyix castigo ta jc'ab, ja' te buen tulan castigo la yich' yu'un spisil te smulique —xi'.

2 Crónicas 30:22

Te muc' ajwalil Ezequías la yalbey wocol spisil te levitaetic te la yaq'uic ta ilel te lec yo'tanic ta abatinel yu'un te Cajwaltique. Laj yo'tanic ta we'el yu'un te q'uin c'alal ta juqueb c'aal, ja' te la yac'bey milbil majt'anil ta swenta seña lamal-o'tanil soc te Diose, soc la yalbeyic yutsil sc'oplal te Dios yu'un te antiguo sme'-statique.

2 Samuel 19:7

Jajch'an me jiche, muc' ajwalil cu'untic, c'opona ta spisil awo'tan te mach'atic st'unojate. Teme ma jichuc ya apase, ya cal ta jamal ta stojol Cajwaltic, ta ajc'ubal yo'tic ma'yuc jtuluc awinic ya xjilat. Ja' me c'ax jich wocol ya xc'ot ta atojol a te bit'il yantic bi amen c'oem ta awenta ta aqueremil to tal soc c'alal ora —xi' te Joab.

1 Samuel 18:1

Te c'alal laj yo'tan ta c'op Saúl soc te David, te Jonatán mero jun xch'ulel la yaiy sba soc David, jich c'ux la yaiy ta yo'tan te bit'il c'ux ya yaiy sba stuquele.

Rut 1:14

Cha'jajch'ic xan ta oq'uel yu'un. Jich yu'un te Orfa la sc'opon jilel soc la sbujts'i te yalib-me'ele, bajt' ta slumal. Yan te Rut la sjoin jilel stuquel.

Génesis 34:2

Te Hamor te heveo-winic te jtsobwanej ta slumal, ay snich'an Siquem sbiil te la yil te ach'ixe. La stsac, way soc, jich la yuts'in.

Génesis 34:4

Soc la yalbey te state ja' te Hamor: —Ja' x'ac'anbon te ach'ixe, co'tan ya xnujbinon soc —xi'.

Jueces 19:3

te levita-winic bajt' ta sleel, ba slecubtesbey yo'tan te yacuc sujt' tel soc. La yic' bael jtul yabat soc cheb burroetic. Te antse jun yo'tan la yic' ochel ta sna te state.

Génesis 50:21

Jich yu'un ma me xiwex. Ya me jmac'linex ta apisilic soc awal-anich'nabic —xi' sc'oplalic. Jich la smuc'tesbey q'uinal yaiyic te bit'il bayal yutsil sc'op la yalbey yaiyique.

Oseas 2:16

Jich me ya yalbon: “Jmamlal”, xi' me; ma me ja'uc ya yalbon xan: “Baal cu'un”, te xie. Jo'on Ajwalilon, tulan ya cal.