Génesis 34:26 - Bible in Tzeltal de Oxchuc y Tenejapa

²⁶ La smilic ta puñal te Hamor soc te Siquem. La yiq'uic loq'uel ta sna Siquem te Dina, bajt'ic soc.

Bible in Tzeltal Bachajón

²⁶ La smilic ta espada te Hamor soc te Siquem; la yiq'uic loq'uel ta sna Siquem te Dina, bahtic soc.

Génesis 34:26 Referans Kwoze

Isaías 31:8

te Asiria ya xlaj ta ye puñal, pero ma me ja'uc ta swenta yip sc'ab winic. Ta guerra ya me x'anic loq'uel te swinictac; te querem-soldadoetic yu'unic ya me xjilic ta mosoil.

2 Samuel 2:26

Te Abner la yawtay te Joab: —¿Ma bal ayuc bi ora ya xquejch'aj te miltombae? ¿Yu'un bal ma ba ana'oj jiche te c'ux obol jbajtic ya xc'ootic yu'une? ¿Bi ora ya awalbey mandal te awinictac te ya yijq'uitay snutsel te yermanotaque? —xi'.

Deuteronomio 32:42

Ya me cajts'es ta ch'ich' te yat'ejibal jt'imalte', ja' me ya xlajinotic yu'un te jpuñale; ¡Xch'ich'el j'ejch'enetic, xch'ich'el jchuqueletic! ¡Xch'ich'el jwentainwanejetic yu'un te jcontrotac te najt'uben sjolic!’, xi' me te Cajwaltique.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Génesis 34:25

Yoxebal c'aal yich'belic circuncisión a, ja' yorail c'ajc'uben a te yejch'enique, ochic ta lum te cheb snich'nab Jacob, ja' te Simeón soc te Leví, te xi'leltac te Dina. Chapalic tel soc spuñalic, jun yo'tan la yochintayic te lume, la smilic spisil te winiquetique.

Génesis 34:27

Spisil te snich'nab Jacob tal yich'beyic bael spisil sbiluc te mach'atic lajemique, jc'axel la sjinic jilel te lume, ja' ta scaj te laj ta uts'inel te yijts'in-ach'ixe.