Génesis 34:19 - Bible in Tzeltal de Oxchuc y Tenejapa

¹⁹ Te querem ora la xch'uun, melel toyol yo'tan yu'un te ya yic' sba soc te yantsil-nich'an Jacob. Ich'bil ta muc' stuquel, c'ax jich te bit'il mach'a jayeb ay ta sna te state,

Bible in Tzeltal Bachajón

¹⁹ Te querem ora la spas, como bayel smulanej te yantsil-nich'an Jacob. C'ax hich ich'bil ta cuenta a te querem te bin ut'il yantic ay ta sna te state.

Génesis 34:19 Referans Kwoze

1 Crónicas 4:9

Te Jabes, ja' mero toyol sc'oplal c'ot yu'un a te yermanotaque. Te sme' la yac'bey sbiilin Jabes yu'un la yal: “Melel bayal xc'uxul la caiy te c'alal la calataye”, xi'.

Hechos 17:12

Jich col spisiluc la xch'uunic soc tsobol la xch'uunic uuc te jc'ulej griega-antsetic te ich'bilic ta muq'ue soc uuc te winiquetic yu'unique.

Hechos 13:50

Ja'uc me to, te judioetic la sjachbey slab yo'tanic te jc'ulej-antsetic te ich'bilic ta muc' soc te yich'ojic ta muc' te Diose, soc uuc te winiquetic te ich'bilic ta muc' yu'un te lume. Jich jajch'ic ta uts'inel te Pablo soc te Bernabé, soc la yich'ic tenel loq'uel ta bay sti'il te sq'uinalique.

Isaías 62:4

Ma ba ya yich' alel xan ac'oplal: “Pijt'em”, ma xiuquix, “Jinem”, ma xiuc sc'oplal te aq'uinale; ja'uc me to, te abiil ya xc'ote: “Cu'unat, quinamat”, xi' me ac'oplal. Melel smulanejat te Cajwaltique, soc ja' me mamlalil c'oem te aq'uinale.

Isaías 5:13

Jich yu'un, te bit'il ma sc'an xyaiyic stojol te lum cu'une, ya me x'ic'otic bael ta mosoil. Ta spisil te lum soc te ajwaliletic yu'un ya me xlajic ta wi'nal soc ta taquinti'il.

Cantares 8:6

Jtuqueluc nax me ayon ta awo'tan, jo'ucon nax me señailon ta ac'ab. Te mulanele, ma xju' ta lajinel sbujts', ja' pajal soc te lajel te ma'yuc mach'a ya xju' ya slajinbey sc'oplal. Te yip ta co'tantic te mulanwaneje, ma xju' ta jinel jichuc bael ta muquenal. Te sc'aal yac ta tilel te mulanwaneje, ja' te c'ajc' talem ta stojol Dios.

2 Reyes 5:1

Ay jtul winic Naamán sbiil. Te Naamán ja' capitán yu'un te soldadoetic yu'un te muc' ajwalil ta Siria. Buen c'uxtaybil, buen ich'bil ta wenta yu'un te muc' ajwalil yu'une, melel te Cajwaltic la yac' yaiy tsalaw te siriaetic ta swenta Naamán. Pero te Naamán yich'oj c'a'el-chamel.

1 Samuel 22:14

Te Ahimelec la sjac'bey te sc'op muc' ajwalil: —Ta spisil te jayeb jtsobwanej-soldadoetic awu'une, ¿mach'a yan pajal jun yo'tan ta atojol jich te bit'il te Davide? Soc xan ja' aniale, soc ja' swentainej te jcanantaywanej-soldadoetic awu'un, soc buen ich'bil ta muc' ta ana.

Números 22:15

Ja'uc me to, te Balac la yalbey xan tulan sc'oplal. La xcha'ticun xan bael yan jtsobwanejetic, te cajal xan yajtalul soc cajal xan sc'oplalic yu'un a te yantic ta neelale.

Génesis 41:20

Te juqueb buen t'ujbil jujp'en wacaxetic lajic ta biq'uel yu'un te mero yaubenique.

Génesis 29:20

Jich yu'un te Jacob juqueb ja'wil la yac' sba ta abatinel yu'un te Labán swenta yu'un ja' ya yic' a te Raquel. Ma chicanuc c'ax la yaiy te juqueb ja'wile, ta scaj te bayal la smulane.

Génesis 34:18

Te Siquem soc te state lec c'ot ta yo'tanic te bila albotique.

Génesis 34:20

jich yu'un te Hamor soc te Siquem la stejc'an sbaic ta yochibal sts'ajc'ul te lume, la sc'oponic te yajwal te slumalique, jich la yalbeyic: