Génesis 34:13 - Bible in Tzeltal de Oxchuc y Tenejapa

¹³ Ja'uc me to, te snich'nab Jacob la slo'layic ta c'op te Siquem soc te Hamor, melel ja' ilinic yu'un te la yuts'inbeyix te yijts'in-ach'ixe, ja' te Dina.

Bible in Tzeltal Bachajón

¹³ Pero te snich'nab Jacob la sjac'beyic sc'op ta scuenta lo'loyel te Siquem soc te Hamor te stat, yu'un te bohlobtesbot sc'oblal te Dina te yihts'inique.

Génesis 34:13 Referans Kwoze

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

San Mateo 28:13

soc la spasic ta mandal: —Jich me xawalic: “Te bit'il wayalotic ta ajc'ubale, tal te jnopojeletic yu'un te Jesuse. La yelc'anbeyic bael te sbaq'uetale”, xaex me.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.

Proverbios 12:13

Te mach'a amen yo'tan, ja' nix ya xchuc sba ta slot; yan te mach'a toj yo'tane, lec ya xc'ot ta loq'uel yu'un te uts'inele.

Salmos 12:2

Ya spas sbaic ta lot; lec sc'opic yaiyel, ja'uc me to, ma jichuc te yo'tanique.

Job 13:7

¿Te ja'exe ya bal acuyic te ya acoltayic ta c'op te Dios te bit'il yacalex ta lote? ¿Ya bal awac' abaic ta abatinel yu'un ta ac'opic te bit'il yacalex ta lo'laywaneje?

Job 13:4

Te ja'exe ya amaquic ta lot te bila smelelile; jichex te bit'il doctoretic te ma xlecub jchameletic yu'unique.

Jueces 15:3

Te Sansón la sjac': —Ta ora yo'tic ma me jmuluc ya xc'ot te bila ma lecuc ya jpasbey te filisteoetique —xi'.

Génesis 34:12

Jayebuc te bila ya ac'anbonique, soc jayeb xan majt'aniletic, ja' ay sc'oplal ta co'tan te ya awac'bon quinamin te ach'ixe —xi'.

Génesis 34:14

Jich yu'un la yalbeyic: —Ma xju' ya cac'bat te bit'il ma ba awich'oj circuncisión te ja'ate, yu'un ma lecuc ya caiytic te jo'otique.