Génesis 33:15 - Bible in Tzeltal de Oxchuc y Tenejapa

¹⁵ La yal te Esaú: —Ja' lec ya cac'bat ajoin oliluc te jwinictaque —la yut. Ja'uc me to, la sjac' te Jacob: —Manchuc, bistuc awu'un. Wocol la awal yu'un —xi'.

Bible in Tzeltal Bachajón

¹⁵ La yal te Esaú: Ya ca'bat hilel ajoquin j'ohliluc te winiquetic te sjoquinejonic talel, xchi. Hich la yal te Jacob: Teyuc a, teme lecucon ta asit, cajwal, xchi.

Génesis 33:15 Referans Kwoze

Rut 2:13

La sjac' te Rut: —Tatic, bayal yutsil awo'tan ta jtojol, ya xmuc'ub q'uinal ya caiy yu'un te ac'ope. Lamal nax ya caiy te ac'ope, manchuc me ma abatucon awu'un —xi'.

Génesis 47:25

La sjaq'uic te lume: —Lec ay, bin nax yutsil awo'tan cu'untic, melel la awac' cuxinucotic. Jun co'tanic ya x'ochotic ta mozoil yu'un faraón —xiic.

Génesis 34:11

Ja' nix te Siquem la yalbey te stat te Dina soc te xi'leltaque: —Teme ya ac'uxtayone, chican te bila ya ac'anbon, ya cac'bat spisil.

2 Samuel 16:4

La yal te muc' ajwalil: —Lec ay jiche. Yo'tic ja'at awu'unix spisil te bitic yu'un ta namey te Mefi-boset —xi'. —Bayal yutsil teme ya ana'bon yo'bolil jbae, muc' ajwalil cu'un —xi' ta sjaq'uel te Siba, soc la stinan sba ta stojol te muc' ajwalile.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Génesis 33:16

Jich a sujt' bael ta Seir te Esaú.

1 Samuel 1:18

La yal te Ana: —Mero wocol la awal. Na'awon ta stojol Dios spisil ora —xi'. Patil tey nix toj bael ta banti tal, bajt' ta we'el. Tey ma'yuquix bi ora la smel yo'tan a.

Génesis 32:6

Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.