Génesis 33:13 - Bible in Tzeltal de Oxchuc y Tenejapa

¹³ Ja'uc me to, la yal te Jacob: —Jbanquil, te cajwalate, ya ana' stojol te ma to xju' sbeel te alaletique, melel tsailic to. Soc nix te chambalametic jmacoje, tsobol te yalataque. Teme ya xtenot ta beele, spisilic ya xlajic.

Bible in Tzeltal Bachajón

¹³ Pero la yal te Jacob: Cajwal, yac ana' te tutic to te alaletic soc te ay yalatac te tuminchijetic soc wacaxetic; teme ya xtenotic ta behel, ta junax c'ahc'al ya xcham spisil te tuminchijetique.

Génesis 33:13 Referans Kwoze

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Proverbios 12:10

Te mach'a toj yo'tan, ya sna' te ay yo'bolil sba te xchamsbalame; yan te mach'a amen yo'tane, ma'yuc bi ya sna'bey yo'bolil sba.

1 Crónicas 22:5

Te David la yal ta yo'tan: “Te jnich'an Salomón unin querem to, ma to ayuc bayal ya'wilal. Te templo ya sc'an ya yich' pasel yu'un te Cajwaltic, muc' me, t'ujbil me, soc muc' sc'oplal ya xc'ot ta spamal balumilal. Jich me ya jchajban jilel spisil te bitic ya xtuune”, xi'. Jich yu'un te c'alal ma to xlaj a te David, muc' te bitic la xchajban jilel.

Génesis 33:12

La yal te Esaú: —Conic jiche, ya quic'at bael. Jo'on ya xneelajon bael awu'un —la yut.

Génesis 33:14

Jich yu'un te ja'ate, ja' lec ya xneelajat bael. Patil ya xtalon ta c'unc'un, chican bit'il ya xju' yu'un te chambalametic soc te alaletique. Ya xc'o jta jbajtic ta Seir —xi'.

1 Samuel 6:10

Jich la spasic te winiquetique. La stsaquic cheb me' wacaxetic te tojquel to yalique, la yac'beyic ochel ta sna wacaxetic te yale. Patil la xchucbeyic te carreta.

Salmos 78:71

La yic' loq'uel te yac ta beel ta spat te chijetic, swenta yu'un ya xcanantaybot te lum yu'une; ja' me jcanan yu'un Israel c'ot.