Génesis 32:7 - Bible in Tzeltal de Oxchuc y Tenejapa

⁷ Jich yu'un te Jacob jajch' ta xiwel yu'un, bayal la smel yo'tan. Jich la spas ta cha'tijc' te mach'atic sjoineje, soc te swacax, te xchij, te scamello, cha'chajp c'ot yu'un.

Bible in Tzeltal Bachajón

⁷ Bayel hahch ta xiwel te Jacob soc bayel la smel yo'tan yu'un. Hich la yac' ta cha'tsohb te mach'atic sjoquinej, soc te tuminchijetic, wacaxetic soc te camellohetic,

Génesis 32:7 Referans Kwoze

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

2 Timoteo 3:12

Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.

2 Corintios 1:4

Ja' ya smuc'tesbotic q'uinal caiytic ta jpisiltic te c'alal ayotic ta woclajele, swenta yu'un jich me ya xju' cu'untic te ya jmuc'tesbeytic q'uinal yaiyic yantic uuc te c'alal ayic ta woclajele. Te bila la smuc'tes q'uinal caiytic a te Diose, ja' nix ya cac'beytic xmuc'ub q'uinal yaiyic a te yantique.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Mateo 8:26

La yal te Jesuse: —¿Bi yu'un te ya xiwexe? Ma'yuc xch'uunjel awo'tanic ya quil —xi'. Jich la stejc'an sba jajch'el. La scom te iq'ue soc te mare. Lamal nax q'uinal c'ot ta spisil.

Isaías 28:26

Dios ya sp'ijubtes te bit'il ya sc'an ya spase.

Proverbios 2:11

Te nacal-o'tanil soc te p'ijil-jolole, ja' me ya scanantayat spisil ora;

Salmos 142:4

Ya jsujt'es bael jsit ta swa'el jc'ab, ma'yuc mach'a ya quil te ya xtal scoltayone. Ma'yuc mach'a ya xc'opoj cu'un; ma'yuc mach'a ya xtal ta yo'tan te ya scanantayone.

Salmos 107:6

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Salmos 61:2

C'alal to ta mero xujc' lumq'uinal ya jc'oponat, melel ya xpejc'ajix ya caiy te co'tane. Coltayawon, ac'awon ta toyol tontiquil,

Salmos 31:13

Ya caiy stojol te yacalic ta le-c'op te ants-winiquetique; ya sjoytayon te xiwele. Jun nax yac'oj sbaic ta xchajbanel te jc'oplale; ja' ya xchajbanic te ya smilonique.

Éxodo 14:10

C'alal la yaiyic stojol te israeletic te nopolix ay tel te faraón soc te egipcioetic, bayal a xiw yo'tanic yu'un, jajch' sc'anbeyic coltayel te Cajwaltique.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Génesis 32:8

Yu'un la yal ta yo'tan: “Teme ya xtal ta uts'inel yu'un Esaú te jchajbe, jichuc, pero ya xcol te jchajp xane”, xi'.

Génesis 33:1

C'alal la yil yac ta talel te Esaú, soc jbajc' swinic yic'oj tel, te Jacob chajbalchajp la yac' soc sme' te alaletique, jchajp la yac' te Lea, jchajp la yac' te Raquel, soc jchajp la yac' te cheb criadaetique.