Génesis 32:6 - Bible in Tzeltal de Oxchuc y Tenejapa

⁶ Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.

Bible in Tzeltal Bachajón

⁶ Te jal c'opetic suhtic tal ta stojol Jacob, hich hul yalbeyic: Suhtotcotiquix tal ta stojol te abanquil Esaú, ha nix ya xtal stahat ta be, soc joquimbil yu'un jbahc' (400) ta tuhl winiquetic, xchihic hulel.

Génesis 32:6 Referans Kwoze

Génesis 33:1

C'alal la yil yac ta talel te Esaú, soc jbajc' swinic yic'oj tel, te Jacob chajbalchajp la yac' soc sme' te alaletique, jchajp la yac' te Lea, jchajp la yac' te Raquel, soc jchajp la yac' te cheb criadaetique.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Génesis 32:8

Yu'un la yal ta yo'tan: “Teme ya xtal ta uts'inel yu'un Esaú te jchajbe, jichuc, pero ya xcol te jchajp xane”, xi'.

Génesis 32:7

Jich yu'un te Jacob jajch' ta xiwel yu'un, bayal la smel yo'tan. Jich la spas ta cha'tijc' te mach'atic sjoineje, soc te swacax, te xchij, te scamello, cha'chajp c'ot yu'un.

Génesis 33:8

Te Esaú la sjojc'obey: —¿Bistuc awu'un te chambalametic te bayal la jta ta be? —la yut. La sjac' te Jacobe: —Swenta yu'un ayuc me yutsil awo'tan ta jtojol ja'at te cajwalate —xi'.

Génesis 33:15

La yal te Esaú: —Ja' lec ya cac'bat ajoin oliluc te jwinictaque —la yut. Ja'uc me to, la sjac' te Jacob: —Manchuc, bistuc awu'un. Wocol la awal yu'un —xi'.

Génesis 34:11

Ja' nix te Siquem la yalbey te stat te Dina soc te xi'leltaque: —Teme ya ac'uxtayone, chican te bila ya ac'anbon, ya cac'bat spisil.

Génesis 47:25

La sjaq'uic te lume: —Lec ay, bin nax yutsil awo'tan cu'untic, melel la awac' cuxinucotic. Jun co'tanic ya x'ochotic ta mozoil yu'un faraón —xiic.

Rut 2:2

Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.

Rut 2:13

La sjac' te Rut: —Tatic, bayal yutsil awo'tan ta jtojol, ya xmuc'ub q'uinal ya caiy yu'un te ac'ope. Lamal nax ya caiy te ac'ope, manchuc me ma abatucon awu'un —xi'.

1 Samuel 1:18

La yal te Ana: —Mero wocol la awal. Na'awon ta stojol Dios spisil ora —xi'. Patil tey nix toj bael ta banti tal, bajt' ta we'el. Tey ma'yuquix bi ora la smel yo'tan a.