Génesis 32:25 - Bible in Tzeltal de Oxchuc y Tenejapa

²⁵ C'alal la yil te bit'il ma sc'an tsalel te Jacob, la smajbey sts'acawil scub. Jich pitc'uj sts'acawil scub Jacob te bit'il yac ta stsalbel sba soc te winique.

Bible in Tzeltal Bachajón

²⁵ C'alal la yil te winic te ma ba hu' yu'un ya stsal te Jacob, la smajbe scub, hich pitc'uj te sts'acawul scub te Jacob te c'alal yac stsacbel sba soc a te winique.

Génesis 32:25 Referans Kwoze

San Mateo 26:41

Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique. Melel ay yip stuquel te awo'tanique. Ja' nax te abaq'uetalic te ma'yuc yipe —xi'.

Isaías 45:11

Te Cajwaltic, te Ch'ul Dios yu'un Israel, te la xchajbane, ya yal: —¿Ya bal awich'bon jc'op yu'un te jnich'nabe? ¿Ya bal awac'bonic jnop te bi ya cut ya jpas te bitic ay cu'une?

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Génesis 32:32

Ja' swentail te bit'il te israeletic ma sti'beyic xchial scub te chambalametic ya smil sti'ic ta ora to, melel ja' ya sna'ic te bit'il la yich' majel sts'acawil scub Jacob ta namey.

Génesis 19:22

Suja aba, baan tey a. Melel ma xju' bi ya jpas ja' to teme ya xc'oat tey a —xi' sc'oplal yu'un. Zoar c'ot sbiil te lume, ta swenta bit'il tsail stuquel.

San Mateo 26:44

Jich la yijq'uitay xan jilel. Ba sc'opon xan Dios ta yoxebal buelta. Jich nix la yal te bit'il la yal ta sbabiale.

Génesis 32:24

Stuquel xanix jil te Jacob. Sjunal ajc'ubal la stsac sba soc jtul winic ja' to chican sacub te q'uinale.

Génesis 32:26

Jich la yal te winique: —Coltayawon bael, yu'un yaquix ta sacubel tel te q'uinale —xi'. Ja'uc me to, la yal te Jacob: —Ma jcoltayat bael ja' to teme ya awac'bon bendición —la yut.